天龍咖喱

營業中

休息中

附近做完野，有人話想食咖喱~上網揾到呢間，咖喱同唔咖喱都有驚喜~🔹金牌牛魔王咖喱牛大四囍飯🔹 大四囍包括牛腩、牛筋、牛脷同牛肉~當然都有薯仔~另一個亮點就係仲有兩塊油酥餅~咖哩好足料，好香~牛腩肉煮得好淋~牛脷係厚切~牛筋勁太條~兩樣都好好咬口~🔹香煎牛仔骨太陽蛋飯🔹又係大大碟~呢個價錢係抵喎~自己買3條牛仔骨都要$50、$60~其他餐廳係一兩條剪開，少好多嫁~啲牛仔骨煎到好香，啲油滲哂落啲豉油飯到~好好食~🔹蔬菜蝦卷🔹外層炸至金黃酥脆~入面啲蝦膠好有咬口~點埋啲雞醬好夾~🔹牛肉薯餅🔹好鍾意呢個~大大塊~脆就梗嫁啦，入面啲薯仔蓉好綿滑~少少嘅甜味好正~🔹特飲🔹呢到好多野飲揀~不過天口熱，都係揀返汽水~話梅可樂同凍檬碧，好爽！