鮨燐

營業中

休息中

今個月嘅工作進度提早超額完成，同同事決定要好好獎勵自己🥳最正莫過於食餐好，同事比我揀之下，我就揀至愛嘅日本菜🇯🇵上環嘅鮨燐，最近做緊8折，我點嘅壽司11貫omakase，折後只要$438，就食到精緻嘅一餐~有齊沙律，茶碗蒸，湯同甜品。🍣北海道墨烏賊，用竹炭鹽做調味，口感彈牙，嫩中帶脆。🍣熊本縣雅鯛，肉質鮮嫩細緻，味道淡雅，帶有一點甘甜。🍣北海道帆立貝簡單用豉油+青檸汁調味，令鮮味同甜味都好突出。🍣大分深海池魚 清甜爽脆，魚皮輕燒過，豐富魚油香。🍣岩手縣赤貝外層爽脆，肉質嫩滑，味道鮮美。🍣鰤魚魚脂清爽，油香中滲出鮮甜。🍣兵庫縣甜蝦兵庫縣甜蝦一向較高級，特別鐘意黏口嘅口感同甜美。🍣鹿兒島大吞拿魚腩未算十分肥美，但油香味依然充足。🍣 醬油漬中拖恰到好處嘅油脂，醬油漬令味道更香濃。🍣北海道馬糞海膽我本身對海膽腥味十分敏感，但呢個完全沒有，絕對鮮甜。🍣長崎縣鯖魚十分新鮮，魚味豐厚，肉質有彈性。🍣吞拿魚蓉手卷口感香滑，不失肥美，搭配細蔥香味更濃。