家賀屋

加拿大海膽係最高享受，加拿大海膽好大片又濃厚，我鐘意咩都唔加放入口，舌尖感受到海膽嘅幼滑creamy，好香好甜。 平時omakase食一件精緻嘅海膽手卷係開心，但呢刻發現大大啖優質海膽放題式咁放入口係最開心。北海道牡丹蝦估唔到呢個價位嘅牡丹蝦有埋蝦籽，牡丹蝦新鮮有彈性，甜度同鮮度都媲美omakase水平，我地都感歎佢會唔會賣得太平。火炙左口魚裙邊油花十足，搭咗兩層好足料。酒盜芝士要讚個cream cheese好好食，香濃幼滑有餘香，蘿蔔漬唔會太咸，又爽又滑有咸香，餸酒一流。海鮮茶碗蒸滑嘟嘟，高湯調味好清甜，有冬菇、帆立貝、魚餅等，料仲多過蛋。炙烤北海道魷魚唔係單純嘅彈，而係煙煙韌韌感受到魷魚嘅纖維，魷魚味濃好好味。明太子雞翼熱辣辣外脆內嫩，仲有肉汁流淌，明太子好惹味。