Yadllie Plate 야들리애플래이트 (海之戀商場)

今日同朋友黎咗海之戀商場，搵咗呢間韓國嘢食，我地叫咗芝士辣炒雞（$135），八爪魚煎餅（$138），烤牛肉水冷麵（$135）首先上菜嘅係烤牛肉水冷麵，牛肉方面有3塊，都算有一定厚度，亦都唔細塊，味道好有牛板腱嘅味道，覺得肉質素唔差，可惜烤完非常靭，超級難咬開，而且比起普通水冷麵貴$42，3塊牛肉值唔值40幾就見人見智啦，我個人就覺得一般！而面頭就有一條炸秋葵，入面係白蘿蔔片，而唔係雪梨片，但都做到清新嘅效果，但原來有一pat 辣醬放左係入面，所以如果唔想食辣嘅，就要一早同職員講啦！第2道菜係八爪魚煎餅（$138），上到枱有少少失望，因為比想像中薄好多，但味道上面因為佢係即煎出嚟，塊餅非常脆，但餡方面，麵粉比較多，入面都有韭菜，但八爪魚份量非常少，而且亦好碎碎濕濕咁，主要都係得中間，夾埋都可能唔知有冇2條八爪魚腳所以覺得好唔抵食！第3道菜就係芝士辣炒雞（$135），佢係即炒嘅，一叫咗就會俾個爐我哋，上左菜職員等佢煮一煮之後會返轉頭幫我地撈+熄火。味道上，舊雞道田有少少少辣，但加埋芝士就會中和到個味道，不過我個人就鍾意食辣d嘅，而份量方面大概都有5-6 塊雞塊，可惜雞塊都係偏細，大概1-1