影片
更多
2023-09-24
489 瀏覽
位於天后電氣道嘅亨環天后係集結了不少高質餐廳嘅美食集中地，頂層嘅「宴。鐵板燒」更是適合慶祝生日紀念日或者business dinner 嘅好去處。餐廳以木系設計為主調，鐵板高枱一排都有接近10個座位，另設卡位雅座可以選擇，另一賣點就係落地大玻璃坐擁無敵維港海景，同時享用美食美景💯💯晚市時段有數款omakase dinner set 可選擇，小妹就揀到了宴。Dinner special set 有齊刺身同鐵板燒😆季節前菜1️⃣山芋絲白海膽溫泉蛋配冷麵汁以山芋絲作基底再放上溫泉蛋同白海膽👍🏻多重口感，山芋絲切成幼條狀好考刀功而且有大量膳食纖維好健康，冷麵汁較淡卻能突顯新鮮食材嘅味道👍🏻2️⃣汁煮八爪魚🐙 咁大隻八爪魚竟然可以完全唔韌😮八爪魚腳切片再以特調醬汁煮一小時，面頭放咗以尖椒煮成嘅柚子胡椒，加添鹹味同清新感3️⃣生北海道白粟米 🌽第一次食生粟米🌽口感會比熟嘅更爽口脆身，最驚艷嘅係佢嘅甜度超級高😎法國真蠔 成隻手掌咁大嘅生蠔🦪超新鮮，配上自家製嘅橘子啫喱酸酸甜甜超好味🤤主廚建議由尾食到頭嘅口感會最佳，中間有個柱位會比較甜😉季節刺身 兩款刺身分別係炙燒黑龍同醬漬中拖羅，主廚話先由黑龍開始食先😆黑龍嘅
餐廳以木系設計為主調，鐵板高枱一排都有接近10個座位，另設卡位雅座可以選擇，另一賣點就係落地大玻璃坐擁無敵維港海景，同時享用美食美景💯💯
晚市時段有數款omakase dinner set 可選擇，小妹就揀到了宴。Dinner special set 有齊刺身同鐵板燒😆
季節前菜
1️⃣山芋絲白海膽溫泉蛋配冷麵汁
以山芋絲作基底再放上溫泉蛋同白海膽👍🏻多重口感，山芋絲切成幼條狀好考刀功而且有大量膳食纖維好健康，冷麵汁較淡卻能突顯新鮮食材嘅味道👍🏻
2️⃣汁煮八爪魚🐙
咁大隻八爪魚竟然可以完全唔韌😮八爪魚腳切片再以特調醬汁煮一小時，面頭放咗以尖椒煮成嘅柚子胡椒，加添鹹味同清新感
3️⃣生北海道白粟米 🌽
第一次食生粟米🌽口感會比熟嘅更爽口脆身，最驚艷嘅係佢嘅甜度超級高😎
法國真蠔
成隻手掌咁大嘅生蠔🦪超新鮮，配上自家製嘅橘子啫喱酸酸甜甜超好味🤤主廚建議由尾食到頭嘅口感會最佳，中間有個柱位會比較甜😉
季節刺身
兩款刺身分別係炙燒黑龍同醬漬中拖羅，主廚話先由黑龍開始食先😆黑龍嘅魚皮炙燒後將魚油迫出令整體香氣提升，面頭仲有脆炸魚鱗片增加口感，中拖羅夠肥美唔會有筋就算唔沾醬油都好夠味🤤🤤
漬物拼盤
師傅自家製嘅6款漬物會根據時令食材而更改，酸甜辣都有齊，配上鐵板燒時食可解膩，小妹大推子薑漬，酸酸甜甜又唔會有薑嘅辛辣味👍🏻好醒胃
燒右口魚邊身金槍魚腩手卷🍣
最驚喜係哩款手捲，以燒過嘅鱈魚片取代紫菜，中層係已調味嘅壽司飯、炙燒右口魚裙邊同大量拖羅魚蓉😆😆面頭再灑上彩色芝麻同青蔥，右口魚裙邊魚油豐富增添香氣，鱈魚片超脆身就算打完卡都唔怕會變軟
帆立貝配鮮海苔
用上法國進口帶子加上用鮮海苔醬煮成嘅上湯令整體鮮味再提升，帶子煮到7成熟至外脆內嫩❤️❤️perfect cooked 面頭放上漬三文魚子嘅卜卜口感更滋味
香煎鵝肝配藍莓醬🫐
鵝肝有一隻拳頭👊咁大件，睇住主廚慢慢將鵝肝煎至每邊金黃色，鵝肝食落唔會太油，亦唔會有內臟個種特別味道，配上自家製酸甜藍莓醬，仲可以有解膩作用😎
美國牛柳或薄燒
主廚建議我地一人揀一款咁就兩款都食到啦😆厚切牛柳用咗美國牛肉，我哋揀咗7成熟，雖然略為熟了少許但仍無損整體口感，仍然保持juicy 同唔會超級嚡。薄燒牛肉就更有驚喜，牛肉再包住大量青蔥炸蒜等，只需輕微調味已經好好味🤤如果可以加點就更好🤭
黑松露蟹肉炒飯
睇住師傅會面前炒飯真係好療癒，師傅將白飯炒至每一粒都俾蛋漿包裹嘅金黃色🤩🤩加入北海道松葉蟹肉同原粒黑松露片，一路炒已經聞到黑松露嘅香氣，最後再加上白松露油再拌勻，一邊食無論係味覺定嗅覺都係一大享受🤭
炒什菜
正常發揮唔會太油，配上旁邊嘅日式醬會更惹味
季節吸物
奶白色魚味濃郁嘅鮮魚湯🤓每一啖都係海鮮嘅精華所在
甜品🍮
抹茶🍵布甸配黑糖蕨餅，前者茶味濃厚帶微苦，加上沾上黑糖蜜嘅蕨餅一齊食就剛剛好😎
張貼
