影片
更多
2021-04-03
1179 瀏覽
奮鬥咗一段日子，先生終於完成手上嘅大project，主動提出嚟Cuisine Culture食餐好嘅慶祝一番，我當然奉陪。打開餐牌係令人熟悉又懷念嘅食物，我同先生好快就揀好心水。作為法國菜嘅經典，呢度嘅焗蝸牛未曾令人失望，加入牛油同香草汁，香氣四溢，入口口感彈牙；底下嘅薯蓉亦好出色，帶有濃濃嘅牛油香，千萬唔好浪費。餐廳嘅芝士洋蔥湯絕對可以稱得上係王牌，一直令人念念不忘，亦未曾搵到過代替品，鍾意飲洋蔥湯嘅絕對唔能夠放過！香濃鮮甜嘅洋蔥湯口感微稠，入面係滿滿嘅洋蔥絲，散發住獨有嘅清甜味道，面頭嘅香脆多士加上香草碎同帶有微微拉絲效果嘅古也芝士，無論趁熱食定浸湯食都係一種享受！法式鴨腿口感鬆軟，輕輕用刀叉一切已經骨肉分離，冇過度嘅油膩感，留喺嘴入面嘅只有濃濃嘅鴨香同近乎即溶嘅鴨肉絲；薯仔用上鴨油嚟煎，充分吸收晒鴨油嘅香氣，別有一番風味。鮮大蜆意粉帶有強烈嘅白酒香氣，意粉軟硬適中，爽口彈牙，配上鮮甜嫩滑嘅大蜆，異常醉人。是日甜品係麵包布甸配雲呢拿雪糕，暖笠笠嘅麵包布甸蛋味香濃，甜度適中，撞上自家製嘅雲呢拿雪糕，兩種溫度喺口入面交集，絕對係幸福嘅滋味！令人回味嘅餐廳唔需要有花多眼亂嘅選擇，反而必須
打開餐牌係令人熟悉又懷念嘅食物，我同先生好快就揀好心水。
法式焗蝸牛
$98
30 瀏覽
0 讚好
0 留言
作為法國菜嘅經典，呢度嘅焗蝸牛未曾令人失望，加入牛油同香草汁，香氣四溢，入口口感彈牙；底下嘅薯蓉亦好出色，帶有濃濃嘅牛油香，千萬唔好浪費。
焗古也芝士洋蔥湯
$68
27 瀏覽
0 讚好
0 留言
餐廳嘅芝士洋蔥湯絕對可以稱得上係王牌，一直令人念念不忘，亦未曾搵到過代替品，鍾意飲洋蔥湯嘅絕對唔能夠放過！
焗古也芝士洋蔥湯
$68
31 瀏覽
0 讚好
0 留言
香濃鮮甜嘅洋蔥湯口感微稠，入面係滿滿嘅洋蔥絲，散發住獨有嘅清甜味道，面頭嘅香脆多士加上香草碎同帶有微微拉絲效果嘅古也芝士，無論趁熱食定浸湯食都係一種享受！
法式地道鴨腿配鴨油煎薯仔
$189
21 瀏覽
0 讚好
0 留言
法式鴨腿口感鬆軟，輕輕用刀叉一切已經骨肉分離，冇過度嘅油膩感，留喺嘴入面嘅只有濃濃嘅鴨香同近乎即溶嘅鴨肉絲；薯仔用上鴨油嚟煎，充分吸收晒鴨油嘅香氣，別有一番風味。
鮮大蜆意粉
$129
22 瀏覽
0 讚好
0 留言
鮮大蜆意粉帶有強烈嘅白酒香氣，意粉軟硬適中，爽口彈牙，配上鮮甜嫩滑嘅大蜆，異常醉人。
麵包布甸配雲呢拿雪糕
$78
15 瀏覽
0 讚好
0 留言
令人回味嘅餐廳唔需要有花多眼亂嘅選擇，反而必須要有幾道美食牢牢抓住客人嘅心，餐廳正正做到呢一點，特別係焗洋蔥湯，實在係無可代替，令人念念不忘，再三回味。
張貼
