云手工火鍋店

營業中

休息中

朋友話想打邊爐，我即係諗起呢間云手工火鍋，無論環境同食物都好好，今晚就帶朋友黎一試。火路沙白蟹鍋 $348上次食完念念不忘，店員首先會輕炒沙白同蟹，仲好細心咁問我地食唔食芫荽，食先幫我地落，再加辣酒點火燒一燒再落湯，打卡一流，而且海鮮湯夠哂鮮甜，飲完一碗又一碗。翠玉瓜串 $28 荔枝豚肉串$48雞軟骨串$48今次黎估唔到有串燒，緊係要試下啦，翠玉瓜調味岩岩好，燒得唔乾身。雞軟骨都夠香脆。豚肉串包住荔枝，豚肉鹹香同荔枝鮮甜好夾，烤得焦脆。老友鬼鬼 $78 自家製響鈴 $68老友鬼鬼係油炸鬼包住蝦膠，就咁食就香脆爽口，又可以揀浸下湯再食，油炸鬼索哂湯汁精華，更加好味。響鈴即叫即炸，好大件，顏色金黃，超級酥脆，索哂湯汁精華，食到停唔到口。紐西蘭羊肉片 $138 豬頸肉 $128羊肉片好大片，油脂分佈均勻，羊味十足。豬頸肉捲成玫瑰花形狀，有心思，油香滿滿，肥瘦適中，新鮮爽口。手打鹹蛋黃蝦丸 $52/半份 鳳城水餃 $48/半份手打蝦丸好彈牙爽口，一咬開鹹蛋黃湧出，鹹香特出。鳳城水餃皮好薄，見到原粒大蝦，仲有木耳絲等，十分爽口，口感層次豐富。雜菜拼盤 $88蔬菜款式多又夠新鮮，清新健康之選。日本