云手工火鍋店

隔咗好耐再嚟呢度，最令我念念不忘嘅絕對係佢哋嘅湯底！上次試咗清甜滋潤嘅三椰雞湯，今次轉個口味，試吓個沙白蟹鍋——果然無令人失望！店員好貼心，即場用白酒炒香啲沙白同蟹，香味「嘭」一聲爆發出嚟，跟手倒入濃郁高湯，一滾起我已經急不及待飲咗兩大碗！湯底鮮甜到不得了，隻蟹有膏又實肉，啲沙白隻隻都肥尾，胡椒香氣同海鮮精華完美融合，飲完成個人暖笠笠～之後落埋菇菌同支竹索味，正！🍢 手打黑松露墨魚丸 + 鳳城水餃墨魚丸真係無得輸！咬落去「啵啵聲」超彈牙，仲食到粒粒黑松露味，誠意十足！鳳城水餃細細粒但餡料飽滿，蝦肉同豬肉比例啱啱好，兩啖一粒剛剛好～🥩 安格斯手切牛肉牛魔王必點！油脂分布好似雪花咁靚，牛味濃得嚟唔會膩，輕輕灼8-10秒，入口嫩滑到差啲唔使咬～蘸少少沙茶醬已經無得頂！🥬 雜菇拼盤 + 萵筍打邊爐點可以冇蔬菜？雜菇夠晒多款，萵筍清新爽脆，平衡返啲肉氣，食完都唔覺滯～🍯 自家製竹蔗茅根水驚喜位！諗住打邊爐實熱氣，點知佢哋嘅竹蔗茅根水清甜潤喉，完全係「滅火神器」，飲完成個人都舒服晒～總結：湯底認真、食材高質、服務細心，無論想補身定解饞呢度都係好選擇！已經同朋友約定下次再嚟試埋個冬瓜盅湯底～ ✨…查看更多

今日同老公去咗尖沙咀瑞生酒店附近嘅云手工火鍋店，實在太開心啦！我之前有朋友嚟住過，佢哋話個火鍋很好食，再加上我哋今次想搵地方食火鍋，就決定一試。一入到餐廳，發現環境真係好靚、好舒服，裝修得好有情調，冷氣夠夠力，仲有空氣流通，完全唔會覺得悶。然後，就啱啱到咗我哋嘅桌位，職員熱情咁過來迎接。打開Menu，發現好多特色火鍋湯底，真係令我眼花繚亂。職員見我哋猶豫，特別推介咗個名叫「火焰三椰雞鍋」，話呢個湯底好甜，又有雞肉同椰子，加埋酒點火煮出嚟嘅味道一定勁好。聽到呢個介紹，我即刻決定試下！之後，我哋再點咗一個中size嘅牛肉拼盤，入面有本地牛肉、安格斯、牛脷、牛胸爽、牛心掟、牛柳粒，仲有香煎鵝肝墨魚丸半份、手打芝心牛丸半份、自家製黑松露蟹肉攪拌份、台灣寬粉以及一串牛舌心串燒，真係齊全到爆！職員落單後，仲會畀我哋一個九宮格，可以選擇唔同嘅醬料自已混合，感覺好有趣。然後，套餐嘅火鍋走過來，佢喺我哋面前煮湯，竟然先將雞件煮熟，再加入酒點火，瞬間香氣四溢，仲會加椰皇水和椰青水，煮出嚟真係無得頂。等湯煮滾，職員非常細心，幫我哋撇走湯面嘅油，等我哋飲嘅時候就唔會太油膩。試完湯，真係不得了，湯係甜得來又好味，飲完一碗又想再來一碗。啲雞肉嫩滑加上椰香，令人回味無窮。然後，我第一時間就將台灣寬粉放入湯底，想等佢吸足湯嘅精華。再講一講牛舌心串，燒得剛剛好，咬落去唔會乾，而且啲辣粉調味都恰到好處，超級好味。牛肉拼盤入面嘅本地牛肉、安格斯、牛柳粒都真係新鮮到爆，完全唔需要配任何醬料。牛脷爽口，牛胸爽同牛心掂，我第一次試，真係意想不到咁好食！自家製黑松露蟹肉餃，實在一流，鮮香四溢，令我好滿足。香煎鵝肝墨魚丸更係彈牙，食落去口感極好。而手打芝心牛丸就要小心食，咬下去時入面嘅芝心會爆出汁，真係好驚喜！最緊要我終於等到啱啱煮好嘅寬粉，啲寬粉已經吸足咗湯嘅精華，味道簡直了得，每條粉都浸滿雞湯！真係好好食，根本停唔到口。總括而言，呢間云手工火鍋店真係好細心，甚至啲丸同餃可以叫半份，咁我就可以試多幾款，唔駛擔心浪費。今次嘅經歷絕對令我和老公都滿意，期待下次再來再次享受呢種美味！#云手工火鍋 #尖沙咀火鍋 #火焰三椰雞鍋 #火鍋 #香港美食 #九龍美食 云手工火鍋店 (尖沙咀)尖沙咀加連威老道20號瑞生尖沙咀酒店3樓…查看更多

餐廳：云手工火鍋地址：尖沙咀加連威老道 20號瑞生尖沙咀酒店3樓食過返尋味，今日帶媽咪嚟呢間酒店嘆火鍋，食物水準keep住高質，環境當然係舒服，服務絕對殷勤，對老人家特別關顧👍今日叫咗個火焰三椰雞鍋，真材實料，　睇住侍應生將椰青、椰皇同切片椰肉加落去嗰半隻雞件度做湯底，難怪湯底好甜，我哋飲一大碗先至開始打邊爐❤️半份嘅手打鹹蛋黃蝦丸好彈牙，咬開仲有鹹蛋黃流心；媽咪就最鍾意嗰個手打芝心牛丸，因為佢係芝士控🤣；個黑松露蟹肉餃都好足料，松露香好出；鳳城水餃大大粒夠足料；雜菜拼盤夠新鮮，有唐生菜、津白、粟米、番茄同比較少有嘅冰菜，吸晒啲湯汁一齊食，掂🥰另外都試咗兩串串燒，玉瓜串燒得剛剛好，夠香口，好味道😀整體嚟講，我哋好欣賞呢度嘅舒適感覺同優質食材，下次想食火鍋應該會再嚟試其他鍋底🤗…查看更多

云手工火鍋尖沙咀加連威老道20號瑞生尖沙咀酒店3樓味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：火焰三椰雞鍋 $348，自家製黑松露蟹肉餃 $128，自家製牛肉小湯包 $128，鮮蝦雲吞 $88，雞三角軟骨 $$48火焰三椰雞鍋：鍋物上桌時火焰熊熊，視覺效果先聲奪人。湯底以三種椰子熬煮而成，入口清甜醇厚，將雞肉浸煮得滑嫩多汁，鮮而不膩，層次豐富，盡顯功架！😄😄😄自家製黑松露蟹肉餃：皮手工擀製，薄韌適中，內餡飽滿紮實。頂級黑松露的馥郁香氣巧妙地滲入鮮甜蟹肉中，味道高雅，將海鮮的鮮美推向另一境界！👍👍👍自家製牛肉小湯包：此湯包皮薄如紙，輕咬一口，濃郁的牛肉清湯立刻在口腔中爆發。肉餡鬆軟細膩，肉汁鮮甜豐沛，完全沒有預期的油膩感，風味絕佳！😍😍😍鮮蝦雲吞：雲吞顆顆渾圓碩大，皮薄餡厚。每一口都能嚐到完整的大蝦仁，口感爽脆彈牙，搭配清澈的豬骨湯底，是道傳統而經典的粵式點心！😋😋😋雞三角軟骨：雞三角軟骨酥炸得金黃焦脆，外層薄薄的脆皮包裹著Q彈的軟骨，嚼勁十足。香料調味適中，鹹香惹味，是佐酒或當作閒暇小吃的極品之選！❤️❤️❤️…查看更多

收工同朋友去咗尖沙咀瑞生酒店3樓呢間「云手工火鍋店」，雖然地方唔算超大，但環境乾淨舒適，大部分係卡位，張張枱都夠闊落，坐得舒服。職員服務細心，會主動加湯同撇油，今次試咗個火焰雞鍋同幾款配料，兩個人都食到好滿足！🔥 火焰三椰雞鍋｜視覺與味覺的盛宴鍋底上桌時原來只鋪左海底椰、椰子肉同半隻雞，一滴湯都無！職員先落酒點火快炒，火焰升起瞬間香氣四溢～炒香後先倒入椰蓉打成的濃湯，再加入原個椰青水同椰皇水，三種椰子精華融合。湯滾後每人先飲三碗——椰香清甜中帶酒香餘韻，鮮甜到想成煲飲晒！雞肉經火焰炒香後更嫩滑～🦪 燒廣島蠔｜蠔汁爆發外層燒到微焦乾爽，一咬開蠔汁即湧出，蠔味濃郁得嚟帶炭火香！廣島蠔獨有嘅海水鮮味突出，水準絕對拍得住蠔專門店～🥟 鳳城水餃（半份）｜手工精緻爽口口感！皮薄透光卻唔易穿，內餡用上原隻大蝦同豬肉，蝦肉彈牙，豬肉鮮美，簡單配搭更顯真功夫～🍖 火鍋配料｜質素不俗· 紐西蘭羊肉片：脂肪分布均勻，羊騷味温和，淥10秒就食得· 萵筍＆皇帝菜：新鮮爽脆，索盡椰湯後清甜加倍🌶️ 九宮格醬料｜誠意十足除咗基本蒜蓉、蔥花、辣椒，更驚喜有花椒油、花生醬等特色醬料！自調麻辣醬或濃香花生醬都得，滿足唔同口味～🍹 竹蔗茅根（一渣）｜清潤解熱打邊爐必配！清甜自然，冇人工糖味，飲完成個人涼爽晒～💡 整體評價▪️ 環境：酒店內乾淨企理，卡位私隱度高▪️ 服務：職員主動有禮，會細心教食法▪️ 食物：湯底驚喜十足，配料質素對得起價錢▪️ 價錢：人均$447，以酒店火鍋來說合理今餐最難忘一定係個火焰三椰雞鍋，由炒香到加湯過程充滿儀式感，湯底鮮甜到令人想encore！如果想同朋友靜靜哋打邊爐傾計，呢度係個唔錯選擇～…查看更多

冬天就係要圍爐打邊爐！終於打卡尖沙咀人氣火鍋店「云手工」，環境光猛闊落，仲有VIP房揀，朋友聚餐超適合～ 主打手工新鮮食材，點咗招牌火焰沙白蟹鍋同几款熱門配料，全程鮮味在線，完全無踩雷！🔥火焰沙白蟹鍋（必點！）：上桌時已經滿滿一鍋沙白同靚蟹，侍應淋酒點火瞬間火焰騰起，儀式感拉滿🔥 湯底滲滿濃郁胡椒香，混合沙白嘅清甜同蟹肉嘅鮮味，熬到後尾越滾越濃，我同朋友直頭飲咗三碗！沙白飽滿無沙，蟹肉新鮮彈牙，鮮味直衝味蕾～🐂牛胸爽：真係名副其實「爽」！肥瘦均勻帶住筋膜，涮幾秒就熟，入口爽脆彈牙。🦐手打蝦（半份）：手工製作嘅蝦滑真係唔一樣！肉眼可見嘅蝦肉顆粒，質地彈牙到會「跳」，鮮甜十足🥟鳳城水餃（半份）：水餃皮薄餡多，內餡肉質飽滿帶汁，咬開時鮮味溢出，涮完之後吸收咗海鮮湯底嘅鮮甜，比平時食嘅水餃多咗一層風味。🥓黃沙豬膶：豬膶切得好厚片，新鮮到唔會散，涮到剛剛熟最啱，口感嫩滑無腥味，鮮味十足，配埋胡椒湯底超惹味，食肉獸一定鍾意。📍地址：尖沙咀加連威老道20號瑞生尖沙咀酒店3樓（Nike店旁邊門口入）📞聯絡：WhatsApp +852 9094 9225 / 電話 2817 0950⏰營業時間：12:00-23:00…查看更多

黎到尖沙咀點可以唔試下云手工呢簡直是一次視覺和味覺的雙重享受這間鍋店的招牌就是它的火焰三椰雞當我們坐下，店員就開始了他們的表演😉😉首先，把新鮮的雞件在鍋裡炒香😙鍋裡的香氣瞬間撲鼻而來讓我們的食慾瞬間提升😇🔸鍋裡除了半隻雞還有椰子肉、紅蘿蔔和牛油，然後再加入酒接下來的畫面簡直太壯觀了當酒點燃的那一刻，火焰高高燃起真的是一場小型的煙火秀大家都忍不住舉起手機拍照打卡😝😝🔸除了招牌的三椰雞我們還點了花雕醉滑牛肉質鮮嫩，配上花雕酒的香味吃起來滑嫩無比，簡直讓人一口接一口午餐肉係香港人必叫咬下去那種酥脆的口感 咸咸香香好正🔸半份的雲吞和韭菜餃雲吞的皮薄餡多韭菜餃的香味則讓人忍不住想再來一份最特別的是那半份手打黑松露墨魚丸和牛骨牛汁丸🔸黑松露的香氣與墨魚的鮮味結合得恰到好處而牛骨牛汁丸則讓整個鍋底更加濃郁超級推薦👍👍云手工火鍋店 (尖沙咀)香港尖沙咀加連威老道20號瑞生尖沙咀酒店3樓…查看更多

✨尖沙咀真材實料手工火鍋🐔❣️秋天梗係想打個邊爐，今次去咗依間尖沙咀加連威老道，主打手工火鍋材料同豐富鍋底選擇嘅火鍋店。🔶火焰三椰雞鍋 $348🔶花雕醉滑牛 $128🔶香煎鵝肝墨魚丸 $68🔶手打鹹蛋黃蝦丸 $52🔶自家製黑松露蟹肉餃 $68🔶招牌酥炸惹味茄子$68店員親自煮製火鍋。叫咗個火焰三椰雞鍋🐔，佢哋首先把黃油鮮雞件、椰子肉、紅蘿蔔炒香後，加入新鮮椰黃和椰青水同湯底，加咗啲料理酒，香氣四溢。店員建議先飲咗個湯底，真係非常鮮甜，椰子好香雞肉鮮嫩😍醉滑牛🐮滑嫩又帶肉香，花雕酒調味，襯托牛肉鮮甜味道。香煎鵝肝墨魚丸將鵝肝蓉釀入手打墨魚丸裡，味道濃郁突出。黑松露蟹肉餃又係另一番風味有驚喜。咁多樣之中，最鍾意鹹蛋黃蝦丸🦐，鮮甜彈牙，黃金咸蛋的鹹香好惹味🤭另外仲叫多咗個小食 - 招牌酥炸惹味茄子。份量超大碟，茄子炸得外酥內軟，避風塘口味，唔會好油膩👍值得一提，除咗環境寬敞，火鍋店店員會幫手調製火鍋同為湯底隔油，超級細心，食得好舒服開心❣️📍云手工火鍋店 (尖沙咀)尖沙咀加連威老道20號瑞生尖沙咀酒店3樓…查看更多

呢間餐廳環境闊落，位於尖沙咀樓上鋪，座位好坐，廚房透明度高可以見到職員點樣處理食材食得放心同衞生，我地叫左一個比較特別既湯底，火焰三黃雞鍋椰子湯底，呢度既三黃雞鍋職員會用牛油落鍋炒熟之後再加入火焰將雞肉火，炙炒香，再放入清新既椰子水同椰子湯底，之後再煮一陣客人就可以食用。雞肉好香牛油味，湯底清甜椰子湯。另外呢度都有VIP 房包場，入面大細房都有，大房可以坐到10幾人，牆身仲有酒品擺設好特別。我地叫左一碟安格斯牛肉，肉質好嫩滑，油脂分佐平均又好食，牛肉都幾多片。呢度既串燒即叫即整，燒到岩岩好逐串逐串點都得，我叫左椒鹽粟米，粟米燒到好惹味加埋七味粉燒好香。自家制餃子同丸類亦係呢度比較特別既，餃子全部都係自己包無防腐劑食得安心健康d，餃子入面仲有好彈牙大隻既蝦肉真係好足料。…查看更多

今晚想吃高質雞煲和高質牛肉，便到尖沙咀加連威老道20號瑞生尖沙咀酒店3樓，云手工火鍋，讓舌尖享受一下。一、開鍋先“醉”藥膳醉雞鍋，新鮮嫩雞擺在面前，然後以火焰酒烹調，看見已經流哂口水。原來好戲在後頭，超濃花雕+當歸，直接把我灌暈，這湯材料和火喉十足，太好味，喝了很多碗，湯滾三秒，我先幹為敬，雞肉嫩到“原地滑跪”二、超美味牛肉拼盤放上枱已經眼前一亮，紅白雪花與不同牛肉，完全是一件藝術品。安格斯：奶香+肉香雙重暴擊，入口即化，一吃下去，完全感受到什麼是高質牛肉。手切牛：又是高質的牛肉，肉汁biu嘴，一邊吃一邊讚嘆牛肉的美味。牛舌：七秒卷成玫瑰，脆得“哢嚓”，一口秒變脆舌rapper牛胸爽：牛前胸肋骨上的一塊稀有軟組織，口感爽脆又豐富的牛油香，富含骨膠原，火鍋最正。牛心掟：口感Q彈，一個字，爽。牛柳粒：骰子大小，嫩到滑滑梯，一咬爆汁，回味無窮。…查看更多

今晚同朋友打邊爐，去左隱藏喺尖沙咀瑞生酒店3樓嘅「雲手工火鍋」。環境走型格現代風，燈光柔和偏暗，牆身用上深藍色幾何紋理牆紙，配搭暖色木拱形設計同啡色皮革長櫈，營造出低調奢華嘅用餐氛圍。整體感覺好有質感，啱晒朋友聚會。⭐️ 火焰三椰雞鍋店員會喺我哋面前將啲雞件煮熟，途中會加入酒同埋點火，喺火焰入邊繼續將雞件煮熟，極具視覺效果。然之後會分別倒入椰皇椰青椰汁雞湯，個湯飲落去清甜，我哋都飲咗幾碗，先至開始淥其他嘢。雞件嫩滑，吸晒三重椰味，層次分明。⭐️ 招牌牛柳粒每粒牛肉都係雪花西冷，油花似大理石紋。稍微淥一陣就食得，牛柳粒好腍，入口即化，牛香濃到爆汁，呢個必點！⭐️ 花雕醉滑牛一上枱就已經聞到好香嘅花雕酒味，喺滑牛嘅中間放咗杯花雕酒，可以自行將花雕酒淋上牛肉，浸一陣先至放落去個鍋，要落幾多酒可自行調校，我就比較鍾意花雕味重嘅，所以我哋全部落晒。牛肉滾10秒就食得，真係好入味，酒味好濃郁，再加埋本身湯底嘅椰香，層次感豐富！⭐️ 鳳城水餃（半份）鳳城水餃皮薄，餡料係豬肉＋韭菜＋蝦仁，放落三椰雞湯煮2分鐘，餃子皮變Q彈，吸晒椰奶精華，變身『椰香爆汁水餃』，咬落去爆晒汁，半份都已經好滿足！⭐️ 荔技豚肉串豚肉表面微焦金黃，灑上黑椒粉同海鹽，咬落去外脆內嫩，豬油香爆發，仲有淡淡荔枝果香！配埋凍檸檬片一擠，酸汁中和油膩，一串三塊食完即刻想encore！📍 云手工火鍋店 (尖沙咀)尖沙咀加連威老道20號瑞生尖沙咀酒店3樓…查看更多

我最近去咗尖沙咀瑞生酒店3樓的「云手工火鍋」打邊爐，真係好有驚喜！店內環境寬敞，裝修時尚簡潔，座位闊落，空間感充裕，坐得舒服。餐牌上有各款特色熱門手工湯底、傳統火鍋湯底等，我們點選左火焰三椰雞鍋，店員會先以酒炒香鍋底入面嘅配料，令雞肉味道更香濃入味。火焰三椰雞鍋真係好好食，雞肉嫩滑，椰香撲鼻，湯底清甜滋潤。另外，我們仲叫左花雕醉滑牛、手打芝心牛丸、西班牙黑毛豬等，全部都好好食！尤其係花雕醉滑牛，酒香醇厚而不嗆，牛肉片嫩滑入味，香氣四溢。服務員態度好好，服務質素高，整體屬於一間中價位高級火鍋店。價錢合理，人均約$432。總之，我會再去呢間店食火鍋，強烈推薦！…查看更多

😍拍拖週年快樂！烚吓烚吓打邊爐最正，老公選了個識著火湯底，夠晒興🤣是晚店員的服務十分好，要讚！食雞有雞骨，細心幫你換碟，湯底愈煮有雞油，窩心幫你撇油。可惜是日串燒師傅放假，無得食，唯有下次有機會再食。人均：$432.入座先選湯底，火焰三椰雞鍋店員來到，在我們面前先炒香雞件，鍋裡有半隻雞，椰子肉，紅蘿蔔，牛油，後加酒，高潮來啦～火呀！哇一聲😂其後加上椰青，椰皇，椰汁湯底煲滾，先飲一碗純正椰汁雞湯，飲落香甜順口，飲完一碗再飲多半碗先開始食雞。.花雕醉滑牛又是平時好少食的火鍋菜款，即刻叫，店員都說熱賣，燙10秒就食得，軟綿容易咬開，又有陣陣花雕酒香，好好食！.黃沙豬潤，必叫，以為普通豬潤，點知爽彈有口感，無平時食開腥腥地嗰種味，網上話是頂級的豬肝🤭果然不同凡響。.另外還叫了午餐肉，半分鳳城水餃，雜菌拼盤，份量好多好夠食！…查看更多

涼涼地最適合打邊爐，今次約朋友到尖沙咀瑞生酒店3樓的「云手工火鍋」打邊爐。這間餐廳坐位寬敞舒適，整潔衛生，裝修有格調，每位店員都殷勤有禮。今次我哋揀咗招牌火焰三椰雞煲，店員先在鍋內爆香雞件、椰子肉和紅蘿蔔，然後加入料酒，點燃火槍！火焰瞬間升騰，將食材的香氣徹底激發，接着傾入椰皇水、椰青汁與雞湯，先嚐一口熱湯，鮮甜無比，暖身又滋潤😋過了一會兒，店員過來幫忙關爐，提醒我們先食雞，之後再涮其他食材，果然雞件剛剛熟，每件雞塊都吸收了湯汁的精華，鮮嫩爽滑，半隻雞嘅份量瞬間給我們消化掉🤭這家店出名手工製作丸類和餃子，我們選了手打芝心牛丸，口感Q彈，加上內藏的流心芝士，味道更加濃郁。招牌韭菜餃，皮薄餡足，韭菜鮮香。招牌牛柳粒，油脂豐富，牛味香濃，可惜我們將牛柳淥得時間太長，有些韌。冰菜，在鍋內灼幾秒，非常爽脆甜美。最後還點了一串燒美國安格斯牛小排，肉汁豐富，牛味香濃。…查看更多

尖沙咀手工火鍋 遇上惹味串燒🤩 終於等到有啲秋意 梗係要約朋友打邊爐囉😍我好鍾意呢間舖頭 佢啲座位好闊落 好舒服 好適合聚會😉 職員好有禮貌 🥰 驚喜佢都有串燒😋 ✨粟米串$28 鍾意佢外面燒到蕉香 好新甜👍 ✨藥膳醉雞鍋$328成隻雞嘅份量 職員喺我面前先炒一炒 然後點火 再加湯 好震撼 好有儀式感 雞肉好滑 湯底清甜 👍🥰 ✨西班牙黑毛豬188黑毛豬好高質 雪花均勻 同呢個湯底好夾😋 ✨招牌韭菜餃$48韭菜餃外形超靚 味道同步 果然係自家製👍 ✨香菇貢丸$48貢丸口有余香 係打邊爐嘅首選😍 ✨皇帝菜$48皇帝菜好新鮮 好嫩😋 ✨無糖可樂$18✨梳打水$18 整體嚟講 性價比高 地點方便 係打邊爐食串燒嘅首選 值得encore 🥰 🎈云手工火鍋店 (尖沙咀)尖沙咀加連威老道20號瑞生尖沙咀酒店3樓…查看更多