影片
更多
2024-10-28
2091 瀏覽
本來諗住同男朋友食餐好既做生日餐，點知食完極度失望！已經早三個星期Book位，Book左19:00，Remark期望有卡位慶祝食生日飯。最後去到冇卡位，仲要擺我地係對正門口既位，連咁小要求都滿足唔到客人🤷🏻♀️最神奇係其實成餐飯一直都有幾張卡位冇客坐，唔明點解咁都比唔到卡位我地🤷🏻♀️ 體諒佢寫明座位預先安排好，咁呢個真係奈佢唔何。只係真係好奇要早幾多book先會坐到卡位🤷🏻♀️ 冇卡位都算，咁就期望下食物啦。原本去之前打算叫一個最貴同中價位既餐，但員工推薦第一次食簡最平同中價位既餐。(題外話:我都好奇好少餐廳會推介人食最平既餐🤔 唔通佢地就係驚推薦左最貴，靜間人地投訴得仲勁🫢) 最後簡左一個$398同$498既餐。落完order後，食物好快黎齊晒。仲諗呢餐廳咁有效率，咁快上晒菜既，原來係趕客既開始😈 Staff見你食完前菜，好快就開爐幫你處理食材，但最搞笑係當佢煮完塊肉，準備上肉時，佢先叫我地打拌雞蛋😑 而佢就一直夾住塊肉等上。搞到我同我男朋友好似鬥快打蛋比賽咁，邊個打得快就邊個可以食先，贏到一塊肉😑 真心完全唔明點解佢一路煮緊既過程，唔一早叫我地打左蛋先，咁Staff又唔洗夾住塊肉
已經早三個星期Book位，Book左19:00，Remark期望有卡位慶祝食生日飯。最後去到冇卡位，仲要擺我地係對正門口既位，連咁小要求都滿足唔到客人🤷🏻♀️最神奇係其實成餐飯一直都有幾張卡位冇客坐，唔明點解咁都比唔到卡位我地🤷🏻♀️ 體諒佢寫明座位預先安排好，咁呢個真係奈佢唔何。只係真係好奇要早幾多book先會坐到卡位🤷🏻♀️
冇卡位都算，咁就期望下食物啦。原本去之前打算叫一個最貴同中價位既餐，但員工推薦第一次食簡最平同中價位既餐。(題外話:我都好奇好少餐廳會推介人食最平既餐🤔 唔通佢地就係驚推薦左最貴，靜間人地投訴得仲勁🫢) 最後簡左一個$398同$498既餐。落完order後，食物好快黎齊晒。仲諗呢餐廳咁有效率，咁快上晒菜既，原來係趕客既開始😈 Staff見你食完前菜，好快就開爐幫你處理食材，但最搞笑係當佢煮完塊肉，準備上肉時，佢先叫我地打拌雞蛋😑 而佢就一直夾住塊肉等上。搞到我同我男朋友好似鬥快打蛋比賽咁，邊個打得快就邊個可以食先，贏到一塊肉😑 真心完全唔明點解佢一路煮緊既過程，唔一早叫我地打左蛋先，咁Staff又唔洗夾住塊肉等我地，我地又唔洗進行鬥快打蛋比賽🤷🏻♀️ 到食到差唔多尾聲，Staff唔知係咪見我地煮得慢定佢趕住上甜品，我地蔬菜盤剩下一D菜頭，其實我地唔要既，但個Staff問都唔問就一野放晒落鑊，之後就收走晒其他野，隨之而來就係叫我地結帳，個時只係20:00，到食完甜品走人都係20:15。其實完全冇超時，仲有時間剩，唔明點解全程不停收野，又催上甜品，真心食得好趕，趕到我都唔知我地到底要趕去邊，成餐飯完全冇Enjoy過，同食快餐冇分別🤷🏻♀️ 但咁既價錢已經可以食到好多餐快餐🤣🤣 真心唔值
趕客都算，食物質素仲要唔掂😣 $398個餐既牛竟然係咬唔開😣 其他牛都係一般，食落冇油脂感，只係覺得食緊一塊好林既牛，完全係一餐失望既壽喜燒😮💨
總括然而，唔推薦呢間餐廳，特別係諗住黎慶祝生日既朋友仔。
張貼