Milu Thai มิลู่ไทย (耀華街)

營業中

休息中

呢度嘅火山骨簡直係必點。無論味道定係賣相都係一流。佢嘅火山骨醬係好酸辣，而且落咗好多剁椒喺入邊首先食嘅時候會覺得佢幾酸，但係越食就會越辣佢嘅排骨份量好足兩至三個人食一份絕對夠。雖然睇落好似好多骨咁，但係越搣就就會越多肉跌出嚟。佢嘅排骨等得好腍，完全唔使用力就會咬到排骨之間嘅軟骨都會好好咬。佢個酸辣汁好食到我好想攞嚟撈飯！！另一個必食就係佢嘅青咖喱雞。佢嘅咖喱會用一個鐵鍋載住，一直都會keep住好熱呢一個配白飯飯真係一流。咖喱調味偏甜。炭燒豬頸肉都係一個必點。新鮮嘅炭烤味食得出好新鮮同埋肉質亦都好鮮嫩。佢個醬調得係最好嘅，有個辣椒嘅酸汁點落個炭燒豬頸頸肉都真係好好食，中和返晒所有油膩感！ 呢度嘅豬頸肉份量會比出邊大。