YAKINIKU KAKURA (元點)

營業中

休息中

好耐冇入去元朗，又多咗幾個新商場。今日行到元點，都有唔少好餐廳。行過見到有燒肉，仲要係KAKURA就入去食個晚飯。佢哋有窗口卡位，可以望到元朗大馬路市中心。叫咗個大判燒!黑毛和牛西冷，可以叫職員幫手燒，一大塊係爐面幾咁搶火。燒到五成就即刻沾蛋汁放入口。入口即溶，和牛油香十足。另外個椿拼盤都好多嘢食，有刺身級嘅大蝦，又有雞髀肉、雞柳，又有牛小排，牛肩胛、赤身肉，仲有牛舌同牛腸添。我哋仲加咗碗紫菜飯，入面有紫菜碎、燒汁同埋溫泉蛋。撈勻之後加埋燒肉一齊食就真心正。另外一定要加杯燒酎梳打咁樣先夠爽。食完之後原來仲有雪米糍同杏仁豆腐送，食得幾開心。