阿木台灣麵 (豉油街)

營業中

休息中

一直都好鍾意食台灣牛肉麵同蛋餅嘅我，今日終於有機會可以食到阿木啦。蕃茄牛肉麵 - 牛肉大大塊，蕃茄湯底非常香濃開胃，忍唔住飲左好多啖湯，麵亦煮得岩岩好唔會過淋。紅燒牛肉新竹米粉 - 牛肉都係煮得岩岩好肉質夠腍，而米粉完全吸哂湯底嘅味道，朋友完全係讚好。台灣腸便當.肉燥飯 - 台灣腸切片加蒜食用，完全係台灣嘅感覺，肉燥肥瘦適中而且份量都多，混埋醬汁每啖飯都食到肉嘅口感。肉鬆芝士蛋餅 - 最後再叫左個蛋餅同朋友們一齊分享，餅皮夠薄而且有蛋香，滿滿嘅肉鬆加上半流心嘅芝士，完全係大滿足。