盈館

營業中

休息中

呢期好鍾意食片皮鴨，今日又心癮起，所以揾埋朋友一齊去食，因為要就朋友放工時間同地點，所以近近地係佢公司附近食。朋友就帶咗我嚟創興廣場七樓嘅盈館開餐，佢之前幫襯過話味道唔錯同價錢都非常抵食，朋友提到啲份量都幾多，所以我地一行三人只係叫咗兩樣餸。北京片皮鴨 ($188) : 皮夠脆之餘肉同脂肪比例非常好，而且片皮鴨份量又多，潤皮又夠熱。梅菜扣肉煲 ($108) : 份量果然多得驚人，梅菜扣肉非常入味，而且底下仲鋪滿非常爽口嘅生菜，配埋白飯正到暈。