喜記蟹將軍

營業中

休息中

最近同屋企人去左尖沙咀喜記蟹將軍，水準一流，值得推薦！環境寬敞舒適，佈置設計都好高水準，呢度絕對係同家人或朋友都好適合嘅食飯熱點。呢度主打海鮮，叫得做蟹將軍，當然招牌菜就係各式各樣嘅蟹料理啦！我地是日點左喜記正宗炒辣蟹，一上枱就已經聞到陣陣香辣味，流晒口水。蟹肉肥美鮮甜，一咬落去啖啖肉，口感豐富。調味方面，鹹辣微甜，香辣調味真係一絕，辣味夠勁但又唔會過火，鹹甜味道均衡，令人一啖接一啖，停唔到口。每塊蟹肉都吸滿香辣汁，咬落去鮮甜多汁，簡直係味蕾嘅享受，真係好正！除左炒辣蟹之外，我地仲點左避風塘炒牛河。呢個炒牛河真係料多味美，牛肉鮮嫩，每塊牛肉都切得剛剛好，唔會太厚亦唔會太薄，口感適中。配埋避風塘香味，炒得火候十足，夠曬鑊氣，香味撲鼻。河粉炒得乾身唔油膩，加埋牛肉嘅嫩滑，食落真係非常滿足。最後仲想讚一讚炒時蔬，是日係炒油麥菜。油麥菜新鮮爽脆，每一口都保留住蔬菜嘅甜味，同蒜蓉一齊炒，既香口又健康，真係好開胃。