黑布小巷

營業中

休息中

工廠大廈裡有好多美味，今日落雨天就就近食吓好多人介紹嘅呢間台式料理，餐廳都設有好多座位。QR Code落單，無需加一服務費，簡單方便。招牌必食推薦：台式肉蛋芝士吐司新鮮熱辣系佢嘅賣點，豬扒勁軟冧，與流心蛋好夾，芝士味濃郁，咬落有滿滿的幸福感。手工滷肉蝦捲便當賣相吸引，便當擺得好靚，三支蝦捲仲有滷蛋，配上豐富的滷肉，口感濃郁又豐富。紅燒台式牛肉麵牛肉厚實大塊，麵條Q彈，湯底味道濃郁，有驚喜，值得一試。小食可以加花枝丸配淮鹽，一份有五粒，香口惹味。配埋台式茶飲冬瓜茶同桂花雪梨羅漢果茶就更加正啦。