La Moo Moo' s Steak and Fries

營業中

休息中

之前上網見到好有型霸氣既牛扒刀既扒房【The Prime House】（前身為【La Moo Moo' s Steak and Fries】）、最近就同朋友去試左啦。餐廳位置唔算多，所以盡量先book位，而且環境好cozy。Dinner Set主食10選1，包沙律、餐湯、自製百里香牛油餐包同飲品。凱撒沙律：新鮮羅馬生菜爽脆，凱撒醬濃郁但唔會太膩，加埋脆口麵包粒、煙肉同帕爾馬芝士碎，簡單但開胃！南瓜湯：湯底creamy得嚟帶天然南瓜甜香，飲到微微嘅香料味，口感順滑。配埋個餐包一齊食，暖笠笠好舒服～自製百里香牛油餐包：餐包外脆內軟，熱辣辣上枱非常鬆軟，牛油加入百里香好香口，香草味突出。230g美國平鐡牛扒配黑椒醬：牛扒叫咗medium rare，切開粉嫩冇血水，肉質軟嫩有牛香！黑椒醬香辣惹味，突出肉味。配菜薯條都炸得金黃脆身。美國德州秘製醬豬肋骨：肋骨size誇張，肉質燉到超淋，一撕就離骨！秘製醬汁甜中帶煙燻香，表面烤到微微焦脆，好過癮！配菜薯條真係好正。