影片
更多
2022-12-07
1034 瀏覽
難得屋企人得閒，珍惜相聚嘅時間當然要食餐飯啦🥰 上次老豆讚莆田啲嘢食好啱胃口， 梗係要再嚟😍 本來今次想食跳跳魚，但好可惜當造嘅日子已經過咗喇， 好彩撞啱海蠣節，有新嘢試，睇下有咩好嘢食先😎🌟九層塔香燜海蠣海蠣真係當造，隻隻都肥肥嘟嘟😍 台式嘅九層塔做法同海蠣好夾，九層塔嘅香味同黑醬油好夾，仲有足夠嘅乾蔥同洋蔥，非常好味👍🌟福建海蠣煎初頭以為同潮式嘅蠔仔餅差唔多，原來味道差好遠㗎😀 蛋味好香，用煎嘅方法更加突出到蠔嘅鮮味而且加入大量蔥花，呢個做得好好👍🌟莆田百秒黃花魚上次嚟食老豆已經讚不絕口，今次當然要再叫啦， 好好彩仲係做緊半價，每人一條，鮮味十足，湯都飲埋😆🌟椒鹽豬手呢一味椒鹽豬手，好多年前莆田喺香港開張嗰時試過，今日再試，味道都係咁好😋 豬手其實已經做到好冧，外皮又炸得好酥脆，加埋椒鹽，好正👍🌟白切羊肉呢道菜好特別，做法有啲似燻蹄，羊肉嘅肉質都好鮮嫩，配埋醋食，有另一番風味🥰🌟興化炒米粉我嘅最愛，我都唔明白點解炒米粉可以咁好食，配料又多，配埋嘅特製辣醬，冇得頂🫶🏻🌟酥炸冰心榴槤屋企人點名要食，榴槤呢啲嘢我就唔係好啱，但聽返個評語就係炸得好薄脆，裡面嘅榴槤仲係好凍，味道都好濃，配埋
🌟九層塔香燜海蠣
海蠣真係當造，隻隻都肥肥嘟嘟😍 台式嘅九層塔做法同海蠣好夾，九層塔嘅香味同黑醬油好夾，仲有足夠嘅乾蔥同洋蔥，非常好味👍
🌟福建海蠣煎
初頭以為同潮式嘅蠔仔餅差唔多，原來味道差好遠㗎😀 蛋味好香，用煎嘅方法更加突出到蠔嘅鮮味而且加入大量蔥花，呢個做得好好👍
🌟莆田百秒黃花魚
上次嚟食老豆已經讚不絕口，今次當然要再叫啦， 好好彩仲係做緊半價，每人一條，鮮味十足，湯都飲埋😆
🌟椒鹽豬手
呢一味椒鹽豬手，好多年前莆田喺香港開張嗰時試過，今日再試，味道都係咁好😋 豬手其實已經做到好冧，外皮又炸得好酥脆，加埋椒鹽，好正👍
🌟白切羊肉
呢道菜好特別，做法有啲似燻蹄，羊肉嘅肉質都好鮮嫩，配埋醋食，有另一番風味🥰
🌟興化炒米粉
我嘅最愛，我都唔明白點解炒米粉可以咁好食，配料又多，配埋嘅特製辣醬，冇得頂🫶🏻
🌟酥炸冰心榴槤
屋企人點名要食，榴槤呢啲嘢我就唔係好啱，但聽返個評語就係炸得好薄脆，裡面嘅榴槤仲係好凍，味道都好濃，配埋南瓜味嘅醬汁，好特別又好味😋
莆田服務好之餘，出品又穩定，定期又有新款菜式可以俾食客嘗新，唔怪得全場爆滿👍 上次講過既福建水頭紫菜，今日終於見到有得賣，走之前都買咗一盒，原來除咗紫菜仲有媽祖麵線賣， 大家如果到莆田食飯，見到有得賣都買返一兩盒，好嘢嚟㗎😎
張貼
