影片
更多
2023-07-10
481 瀏覽
前排聽一位好鍾意食煲仔飯嘅朋友推薦呢間位於太古城嘅「點煲」食飯，整體體驗非常好，向大家推薦！餐廳雖然唔係喺太古城中心商場入面，但商場有個出口直達，非常方便。餐廳鋪面頗大，裝修好有特色，而且店員服務態度唔錯！餐廳叫得做「點煲」，煲仔飯固然係一大特色，但餐廳原來仲有另一項selling point，就係「備長炭火原隻燒雞」。一場黎到梗係要試下啦！當日得我同朋友兩個人食，所以我地就唔敢叫太多。餐前小食方面，我地叫嘅「花雕雞腎」凍冰冰好爽口，花雕味好香，係好開胃嘅小點。煲仔飯方面，我地叫左「蒜蓉開邊蝦煲仔飯」，啲蒜蓉味非常香，蝦大大隻，而且肉質彈牙，非常高質！至於最期待嘅「備長炭火原隻燒雞」果然無令我失望：原隻上嘅燒雞熱辣辣，本來想自己試下剪啲肉，但實在太熱，好彩店員好主動咁幫手處理，仲將隻雞分得好presentable添！值得一讚係啲雞肉非常juicy，外層嘅皮有陣炭香，而且係脆脆地嘅，非常出色！我同朋友戴住手套用手食，唔夠十五分鐘就清曬成隻雞！太好味啦哈哈！最後我地叫左壺菊花茶，淡淡嘅清香好解膩呀！
前排聽一位好鍾意食煲仔飯嘅朋友推薦呢間位於太古城嘅「點煲」食飯，整體體驗非常好，向大家推薦！
餐廳雖然唔係喺太古城中心商場入面，但商場有個出口直達，非常方便。餐廳鋪面頗大，裝修好有特色，而且店員服務態度唔錯！
餐廳叫得做「點煲」，煲仔飯固然係一大特色，但餐廳原來仲有另一項selling point，就係「備長炭火原隻燒雞」。一場黎到梗係要試下啦！
當日得我同朋友兩個人食，所以我地就唔敢叫太多。餐前小食方面，我地叫嘅「花雕雞腎」凍冰冰好爽口，花雕味好香，係好開胃嘅小點。
煲仔飯方面，我地叫左「蒜蓉開邊蝦煲仔飯」，啲蒜蓉味非常香，蝦大大隻，而且肉質彈牙，非常高質！
至於最期待嘅「備長炭火原隻燒雞」果然無令我失望：原隻上嘅燒雞熱辣辣，本來想自己試下剪啲肉，但實在太熱，好彩店員好主動咁幫手處理，仲將隻雞分得好presentable添！值得一讚係啲雞肉非常juicy，外層嘅皮有陣炭香，而且係脆脆地嘅，非常出色！我同朋友戴住手套用手食，唔夠十五分鐘就清曬成隻雞！太好味啦哈哈！
備長炭火原隻燒雞
3 瀏覽
0 讚好
0 留言
最後我地叫左壺菊花茶，淡淡嘅清香好解膩呀！
張貼
