點煲 (星輝台智星閣)

今日放假同屋企人到太古城行街，行到開始有D餓就諗住搵嘢食，突然諗起附近有間食煲仔飯，就同屋企人走去試吓。去到雖然要排隊，但去到好快可以安排入座，店舖經理見我哋一行六人安排咗一間房俾我哋坐。入到去見到餐牌已經開始有羊肉煲賣，於是諗住嗌一個嚟同屋企人試吓，經理見我哋喺度討論緊羊肉煲，就主動過嚟幫我哋落，單並推介煎焗鱔同埋油浸鱸魚俾我哋，喺上菜嘅時候有個肥仔侍應，會主動提醒唔好掂到個煲小心焫親。感覺整體環境服務唔錯，但係感覺冇咩冷氣食吓食吓就會開始覺得熱。下次可以帶埋朋友嚟試吓。…查看更多

依間除咗食煲仔飯，備長炭火燒雞都好出名，即叫即燒，三個人食都好夠，仲有埋綿手套，附上仔細拆雞教學同食法好細心😂$138 就食到全隻一路剪一路出煙係咁滴汁燒到好均勻，雞皮金黃薄脆係肉質食落同新鮮雞有少少分別但依個價錢嚟講收貨啦真係order 完即燒半個鐘先上枱🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️ 📍 點煲 (太古)太古城道16號智星閣地下G1016-17號舖分別：屯門…查看更多

今日咁啱放假，同兩個朋友去太古城溜冰，溜完又好想食野，咁就上網睇下附近有咩咩好食拉。咁離開左溜冰場嘅我地就有啲凍凍地，想食啲暖笠笠嘅野，咁啱睇到有間煲仔飯近近地就走左去試行到門口已經有人幫我開門，好親切咁問我幾多位，咁我同我friend一行三人，我個friend 個背囊都幾大下，又拎住一兩袋野，個女侍應見到已經第一時間上嚟帶左我地去坐低，又問我地洗唔洗要多個籃放下野，等我地坐得舒服啲之後就放低左張QR CODE ，同我地講可以掃碼落單，不過有需要都可以叫佢幫我地落單㗎，原先都諗住自己落，不過掃嚟掃去都load 唔到，正當想舉手叫人幫我地落單嘅時候，已經有人行埋嚟問我地想要啲咩，幫我地落單我地三個人叫左兩個煲仔飯，一個小菜一個老虎蝦乾排骨，一個鴛鴦腸滑雞，一碟金銀蒜蒸開邊蝦 等緊食物嘅時候，我地3個就㩒下手機，㩒㩒下，又有人拎住3杯水俾我地，不過係熱水，個男待應都好細心提醒我地小心熱。等左廿令分鐘左右拉，個飯終於都岀，一開蓋已經聞到好香 岀餐個位恤衫哥哥仲教我地點樣食法先食到最香最好味添冇幾耐碟蝦都岀埋嚟，賣相都好靚下，即時食欲大增啊😛😛食到咁上下，有人主動幫我地換碟，幾好唔錯，服務地好專業下，雖然比較忙碌，但係都有留意到我地我地食左個半鐘左右拉，啲野食都差唔多食哂拉，啱啱帶我地坐低嗰位女侍應，行埋嚟問我地洗唔洗加糖水試下，我地都想加，不過醒起仲約左人，就冇加到，岀去埋單走拉，佢仲好貼心咁提醒我地拎齊野添👍🏻…查看更多

今日我難得同屋企人去太古食飯，經過見到呢間鋪幾有特色又唔洗點排隊（聽屋企人講晚晚排隊，但服務一般）但見甘有特色咪去試下等左10分鐘左右門口有個肥仔侍應已經好有禮貌甘我幾位；之後安排我地坐大卡位，心諗甘爽，兩個人坐大卡位？之後到點餐還節，就大獲喇，掃個QR Code個餐牌睇唔明一時又話叫店員點餐，一時又可以直接點餐，甘咪問下著白色衫個經理，問完終於明白哂，最後佢仲好主動甘同我地落單，我地叫左個魚香茄子$60，蒜蓉開邊蝦煲仔飯$91，欖角蒸黃骨魚$60但我見到經理落單嘅時候將部機擺到好近塊面，於是我就問佢你近視做咩唔戴眼鏡？佢好搞笑咁回答：副眼鏡啱啱爛咗，而家變咗盲俠，由於而家係繁忙時間未有時間去處理，遲啲先再搞佢。我心諗比著係我做經理就乜都唔理整左眼鏡先，佢悚真係好敬業，服務態度又好，真係值得嘉許，而家有啲咁敬業嘅人才，實屬難得食物方面：魚香茄子：鹹香味足，唔會太油比7/10蒜蓉開邊蝦煲仔飯：好夠蒜香味，搭配豬肉香氣提升不少 比8/10欖角蒸黃骨魚：第一次食唔知咩魚，魚骨唔多，欖角味十足撈飯一流比8/10整體而言：個人感覺服務真係好好，臨走個經理仲同我講下次見，食物質素中上水平，但製作時間都等咗成半個鐘，真係要俾啲耐性等…查看更多

最近到「點煲」餐廳用膳，整體體驗令人失望。服務態度只有10分中的1分，讓人感到非常不滿。我點了一隻燒雞，讓我驚訝的是，整隻燒雞竟然直接在桌上端上來。當我要求餐廳幫忙剪雞時，經理卻冷冷地說要等廚房職員有空，完全沒有任何笑容，態度非常無禮，讓人感受到缺乏專業的服務精神。整間店的店員面無表情，彷彿像AI一樣機械，讓人覺得冷漠且不友善。此外，其他服務員在上菜時，只是把餸菜隨意放在一旁，明明桌上已經沒有空間，他們也不幫忙收拾，反而要求我們自行整理桌面，這樣的服務實在讓人難以接受。總結來說，這次的用餐經歷讓我對「點煲」餐廳感到非常失望，無法推薦給其他食客。希望他們能改善服務質素。…查看更多

這幾天因為落雨天氣，氣溫突然又變得寒冷，中午便和同事決定來到公司附近的這間煲仔飯專門店，捉緊冬天的尾巴，吃上一碗充滿飯焦、熱辣辣的煲仔飯，暖身又暖心。自家製臘腸滑雞煲仔飯這道煲仔飯的臘腸肥瘦適中，香甜可口，每一口都能感受到臘腸的濃郁香氣。飯焦的分量非常足夠，焦香脆口，搭配的醬油也不會過鹹，恰到好處地提升了整體味道。最特別的是，每張桌子上都放有一甖豬油，客人可以自行加入飯中，做成豬油撈飯。這一口充滿罪惡感的豬油撈飯，讓人瞬間回到童年，幸福感滿滿！自家製潤腸滑雞煲仔飯潤腸的內臟香氣撲鼻，一點也不苦，反而非常肥美，口感豐富。雞件滑嫩多汁，骨頭沒有切得太碎，吃起來非常方便，輕輕一咬就能脫骨。整體搭配非常和諧，每一口都能感受到食材的用心與美味。…查看更多

冬天咁凍，梗係要食煲仔飯暖吓身啦！今次試咗「金銀蒜開邊蝦煲仔飯」，啲蝦都算新鮮，冇霉味，食落幾彈牙，蒜頭嘅香味好出，撈埋飯一齊食真係好正！份量都OK，女仔食應該會好飽，男人就可能要叫多個小食先夠喉。重點係佢哋嘅秘製豉油同豬油，加落去之後，成個煲仔飯即刻昇華，味道一流！另外試咗腰果露，真係好特別，出面好少見，唔會太甜，而且非常足料，飲完成個人暖笠笠。整體來講，今次食得好滿足，冬天想食煲仔飯嘅朋友可以試吓呢間，絕對唔會失望！…查看更多

打去叫外賣，首先叫咗個煲仔飯，然後問下小菜有咩可以揀。冇諗到，個男人竟然衰聲咁話：「不如你上網睇啦，好無。」聽到呢句真係火都起，心諗咁樣真係冇服務態度。平時入去食嘢，啲男人都係黑口黑面，趕客咁樣，感覺好唔舒服。今次呢個衰聲更加唔洗再去幫襯。原本期待可以食煲仔飯，點知又被佢哋嘅態度搞到心情差。食嘢應該係一件開心嘅事，點解要咁辛苦呢？每次都係咁差嘅服務, 顧客感受同服務質素真係好重要，唔好因為食嘢而影響咗心情。下次叫外賣，會考慮其他有誠意啲嘅餐廳，唔好再浪費時間喺呢度。食嘢應該開心啲，希望未來可以遇到啲好啲嘅服務！…查看更多

經過呢間餐廳好多次但無入去食，因為我唔鍾意食煲仔飯最唔鍾意食飯蕉！但中午見有午餐有炒粉麵飯所以入去食，炒河好有鑊氣，福建炒飯又好足料唔馬虎，例湯，腰果露又好好味！希望呢個大廚繼續係度，一間餐廳嘅靈魂就係大廚用心煮出好嘅食物！我一定會再光顧，好好味！！太古城區內值得推介！！…查看更多

今晚我地一行6人去左呢間餐廳食飯，但BB肚餓要食奶，但支奶太熱，BB食唔到於是問下經理有冇冰之類既野，原來間餐廳係唔用冰既，心諗大獲個BB喊到拆天甘怕會騷擾其他食客但經理一個舉動令我覺得驚喜同窩心佢用左啲環保冰加個鐵桶仔，再裝啲水比我去凍支奶仲話消哂毒，放心用果時我覺得佢好醒，識得應變執生，抵讚👍👍👍到於食物方便 因為BB太嘈都唔想影響到人好求其食左就算，冇仔細品嚐同影相，但過往食過係好食過廟街多多聲👍🏻…查看更多

今日下晝諗住休息下，唔煮飯，就叫咗個外賣。揀咗兩樣餸，一個係蒸肉餅，另一個係蟲草蒸雞飯，仲特別要求多飯。今次等咗足足25分鐘以上，真係幾奈。終於等到外賣嚟，滿心歡喜咁打開，點知一睇就覺得唔對路。首先，份量真係少得可憐，肉餅好薄，仲要散收收，完全冇乜口感。再睇下啲雞，得幾嚿骨，肉都冇多幾塊，真係好失望。諗起隔離屋敏華平時叫嘅外賣，份量又多，價錢又平，今次真係對比太大。價錢又貴，份量又少，真係好嬲。唔會再叫呢間，都唔建議大家試，希望大家唔好好似我咁中招。…查看更多

這麼凍的天氣，這麼冷的時候，當然要來吃一杯正宗的煲仔飯吧！適逢在太古中閑逛，看到這一間由五點多開始以大排長龍的煲仔飯餐廳，在外面聞起來香味已經撲鼻，當然要進去一嘗鮮味吧。點了一個二人餐有兩個煲仔飯，另外加錢再有一個燉湯及油菜。燉湯相對清淡，但確認裏面沒有放味精，喝完真的很解渴。主角的煲仔飯，飯香四溢，飯焦粒粒分明而非常之鬆脆。最特別的是他的枱面上配有一甖豬油，不知已經多久沒有吃過豬油撈飯，撈起上來的配搭，簡直是天衣無縫，是我吃過最好吃的煲仔飯之一！…查看更多

星期六晚8:30pm左右入坐，侍應話儘快落單因為9:30pm 就收舖，呢度出名食煲仔飯, 8:45pm已經落哂單，小菜飲品到齊，但等左半個鐘都未見有煲仔飯上，忍唔住問侍應，佢話廚房煮錯左要重新整過😮😮，又等多十分鐘。奇就奇在8:30pm後只得另一枱人入坐，會有幾多單呢？侍應全部機械人咁木口木面，食完就拿拿聲走人👎🏻👎🏻…查看更多

我和太太晚上8:30 落單 煲仔飯，等左35分鐘 追單，侍應話搞錯單 再做，結果45分鐘 先出菜。途中 木口木面，無笑容，態度差，趕收工。出餸慢。太古食肆多，大家無謂去一間食完激氣的店舖！…查看更多

I’m crazy about clay pot rice. I taste all the Michelin stars, reco one just to find my crave but here is where that search is over. Clay pot rice is a unique hong kong food that is basic but so hard to get it right.Order their signature “煲仔飯” clay pot rice is a must. The essence is not on the topping you select but the rice and the magical combination of lard and soy sauce. Yes Lard! The evil ingredient that makes you feel backwards “live”. Put a few on the bowl and you got the most yummy clay pot rice you ever had.Topped with the homemade soup and that’s complete the journey.I’m no writer and don’t write much post but this kind of unique local delicacy deserve some more support.Count me back every week.…查看更多