備長

營業中

休息中

嚟備長一定要點招牌菜：備長卷。一上枱不禁哇～一聲，擺盤勁靚，海膽、碎吞拿魚同三文魚籽都好新鮮，連壽司飯嘅芯都滿滿係碎吞拿魚，每一啖都好滿足。帆立贝同帆立贝寿司件刺身好厚身，搭配少少醬油，鮮味十足。明太子烧饭团外脆內軟，明太子嘅鹹香味同米飯一硬一軟，口感非常丰富。一口炸芝士，雖然睇似簡單，但每一口都充滿濃郁嘅芝士味，都係唔可以錯過。燒茄子外軟內爽，配上燒醬汁之後，味道更加豐富。胡麻豆腐超滑溜，再加上清新爽口嘅沙律菜，食落感覺非常健康。野菜稻庭乌冬麵條細膩，搭配新鮮嘅蔬菜，整體味道均衡，食落又唔膩。蒲烧鳗鱼嘅味道亦出色，鰻魚醬汁濃郁，令魚肉更加美味。服務員十分耐心，對菜單嘅推薦好專業，令我哋選擇更加容易。上菜速度適中，食物質素高，值得推薦比朋友！