雞駅花膠雞米線專門店

營業中

休息中

想分享一間好適合一至兩個人靜靜哋打邊爐嘅小店「雞駅」！主打花膠雞米線及新推出嘅一人火鍋套餐，性價比高，晚晚都全場滿座！一定要早啲到～🍲雞駅一人火鍋餐花膠濃湯，上海麵（每日鮮製），牛肩胛呢度嘅「花膠濃湯」絕對係女士恩物！一上枱就聞到陣陣雞湯香，飲落鮮甜濃郁，仲有大塊厚身花膠，膠質滿滿，飲完喉嚨即刻潤晒😍😍 牛肩胛，油脂分布均勻，輕輕灼幾秒就食得，入口嫩滑～上海麵麵條彈牙有咬口，吸晒花膠湯精華，好正呀！🍗麻藥蛋拌雞髀麵一上枱就俾隻雞髀同埋流心麻藥蛋吸引住～蛋黃撈勻秘製醬汁，配埋嫩滑雞髀肉同彈牙麵條，味道層次超豐富！