影片
更多
2022-06-04
376 瀏覽
E排有番堂食之後真係成日都想食好西, 一直都bookmark左好耐嘅鉄人旨花, 今晚終於可以約埋朋友一齊試! 餐廳環境幾大, 分左Omakase同鐵板燒兩邊, 車車今次就book左鐵板燒, 邊食邊欣賞廚師嘅廚藝🌟前菜(龍蝦福袋)福袋咬落去啖啖龍蝦鮮甜, 福袋嘅腐皮吸哂d湯汁, 甜甜地食落好滋味, 旁邊仲有一塊蘿蔔, 清甜無渣🌟沙律沙律菜清新爽脆, 上面仲有秋葵, 食落好開胃🌟汁煮白鱈魚白鱈魚厚厚的, 口感嫩滑結實, 下面嘅洋蔥醬汁食落甜甜地, 洋蔥被煮至軟身, 好味到車車好快就食哂, 廚師以純熟嘅技巧將魚皮煎至脆身, 食落一d都唔油, 而且極之酥脆🌟南非鮑魚南非鮑魚好生猛, 仲大過車車隻手, 新鮮肥美, 肉質軟韌, 口感爽彈, 簡單嘅調味已經好好食, 旁邊忌廉海苔汁一d都唔膩, 配搭一齊食味道幾特別, 旁邊仲有菊花花瓣同紫蘇, 配搭一齊食味道會變得更清新 🌟季節料理--蒜蓉炒花菇車車唔太好花菇所以平時比較少食, E個花菇令人有耳目一新嘅感覺, 蒜蓉無平時食嘅果種刺辣感, 反而為花菇提鮮, 每咬一啖都帶有淡淡嘅蒜油香, 絕對無蓋過左花菇嘅味道, 食落仲好juicy, 單食蒜蓉都食到花菇嘅
🌟前菜(龍蝦福袋)
福袋咬落去啖啖龍蝦鮮甜, 福袋嘅腐皮吸哂d湯汁, 甜甜地食落好滋味, 旁邊仲有一塊蘿蔔, 清甜無渣
🌟沙律
沙律菜清新爽脆, 上面仲有秋葵, 食落好開胃
🌟汁煮白鱈魚
白鱈魚厚厚的, 口感嫩滑結實, 下面嘅洋蔥醬汁食落甜甜地, 洋蔥被煮至軟身, 好味到車車好快就食哂, 廚師以純熟嘅技巧將魚皮煎至脆身, 食落一d都唔油, 而且極之酥脆
🌟南非鮑魚
南非鮑魚好生猛, 仲大過車車隻手, 新鮮肥美, 肉質軟韌, 口感爽彈, 簡單嘅調味已經好好食, 旁邊忌廉海苔汁一d都唔膩, 配搭一齊食味道幾特別, 旁邊仲有菊花花瓣同紫蘇, 配搭一齊食味道會變得更清新
🌟季節料理--蒜蓉炒花菇
車車唔太好花菇所以平時比較少食, E個花菇令人有耳目一新嘅感覺, 蒜蓉無平時食嘅果種刺辣感, 反而為花菇提鮮, 每咬一啖都帶有淡淡嘅蒜油香, 絕對無蓋過左花菇嘅味道, 食落仲好juicy, 單食蒜蓉都食到花菇嘅味道, 兩者味道完全融合埋一齊, 幾好味
🌟熊本縣產A5和王牛配自家制車厘子紅酒汁
嚟自熊本縣嘅頂級品種「和王」, 肉質軟嫩而且油花均勻豐腴, 口感細緻鮮嫩, 入口即化, 配搭微酸微甜嘅自家制車厘子紅酒汁更開胃更想食多d, 亦可配搭鹽, 香脆蒜片或Wasabi食, 享受不同風味, 下面鋪左炒過嘅羽衣甘藍, 和牛嘅油脂滲左入羽衣甘藍入面, 食落更惹味
🌟炒飯
炒飯炒得夠乾身, 粒粒金黃, 味道不錯
🌟雞湯
雞湯入面仲有蝦同菇, 雞湯鮮甜濃郁, 蝦嘅味道令湯汁更鮮味
🌟甜品
是日甜品有幾款雪糕雪粑同赤肉蜜瓜, 車車揀左豆腐雪糕同蜜瓜, 雪糕豆腐味香濃, 味道剛好唔會太甜, 赤肉蜜瓜清甜多汁富果香
張貼
