影片
更多
2025-03-07
1293 瀏覽
如果人哋問我最常出街食嘅菜式，或者最常重複嘅餐廳，我會話放題，因為一開心食放題，不開心食放題， 放題就好似comfort food，價錢唔算好貴，但係令心靈得到飽足。呢間我食咗n年，長期保持好質素嘅刺身自然唔使講，今次我特別偏重於食佢一啲創意料理同埋熱食同埋副食。原來一樣咁出色。 🍖創意料理有好多系壽司，其中有三款係用最中嘅形式，即係日本傳統嘅中空威化餅，夾住幾款唔同嘅壽司，例如韓國蟹黃醬之戀，海膽三色，加埋啲食用菊花，同埋心形同花形嘅最中，又靚又好味。另外仲有卷物同新口味配搭壽司等等，三重芝士松葉蟹卷，海葡萄象拔蚌壽司，前者芝士香濃，松葉蟹又一絲絲充滿蟹香，後者就有雙重爽脆。全部都配搭得宜。仲有吞拿魚茸配吞拿魚拖羅壽司，一啖食到兩種吞拿魚嘅口感，非常滿足。 🍖熱食亦都有海量嘅選擇，我先由蜆湯開始講起，真係好鮮甜，而且啲蜆肉排列得非常之靚，放題都要做到咁靚得唔得咖。跟住我哋仲飲埋牛奶椰子湯同埋雞湯，兩樣都係同樣更好味。熟食海鮮都好齊。小龍蝦，瀨尿蝦，焗蠔，醉鮑魚都做得好出色，每樣都有自己嘅風味，食完要啜手指。跟住我哋叫咗乳鴿皮脆肉嫩，又叫咗個牛肉壽喜燒，牛肉嘅紋理好靚，加埋隻雞蛋，冬天
🍖創意料理有好多系壽司，其中有三款係用最中嘅形式，即係日本傳統嘅中空威化餅，夾住幾款唔同嘅壽司，例如韓國蟹黃醬之戀，海膽三色，加埋啲食用菊花，同埋心形同花形嘅最中，又靚又好味。另外仲有卷物同新口味配搭壽司等等，三重芝士松葉蟹卷，海葡萄象拔蚌壽司，前者芝士香濃，松葉蟹又一絲絲充滿蟹香，後者就有雙重爽脆。全部都配搭得宜。仲有吞拿魚茸配吞拿魚拖羅壽司，一啖食到兩種吞拿魚嘅口感，非常滿足。
🍖熱食亦都有海量嘅選擇，我先由蜆湯開始講起，真係好鮮甜，而且啲蜆肉排列得非常之靚，放題都要做到咁靚得唔得咖。跟住我哋仲飲埋牛奶椰子湯同埋雞湯，兩樣都係同樣更好味。熟食海鮮都好齊。小龍蝦，瀨尿蝦，焗蠔，醉鮑魚都做得好出色，每樣都有自己嘅風味，食完要啜手指。跟住我哋叫咗乳鴿皮脆肉嫩，又叫咗個牛肉壽喜燒，牛肉嘅紋理好靚，加埋隻雞蛋，冬天暖暖胃，食靚牛肉真開心。又叫咗個蟹黃粥，呢個係咁多個我最鍾意嘅，佢有好鮮嘅蟹味，溫度啱啱好，粥嘅顏色又好靚。
🍖甜品又係無敵多，香港最受歡迎兩隻牌子都覺有好多種味，仲有懷舊好似脆皮拿破崙嗰種，同埋勁多其他嘅款式同牌子。飲品又係無敵多，仲有埋生啤添。
以上都係食材嘅冰山一角，每次食完都好滿足，又會嬲自己點解肚皮咁唔爭氣食咁少。
張貼
