影片
更多
2023-06-20
35 瀏覽
東京之旅前夕，忍唔住book左個omakase止癮，本來唔算好大期望，但食食下我懷疑佢可能會超越黎緊旅行食到嘅百大名店，有衝動生日再黎。前菜梅貝煮同免治雞肉丸擺盤靚到好似幅畫咁，鐘意黑梅貝已經拆哂肉好方便，貝肉好大粒好爽甜。刺身有平政魚同金目鯛，同樣新鮮咬落有回彈。欣賞金目鯛燒得好靚，令我諗起嵐山食嘅鯛匠HANANA，魚味好濃好新鮮，仲加左咸香嘅烏魚子提味。拖羅好肥美，唔需要燒下或者其他加工已經好夠油香，夾住酥脆嘅紫菜咬落去好似食緊A5和牛咁，好爽快。和牛熟成左24日，牛味真係特別濃，表面焦脆，熟度岩岩好。壽司五貫有池魚、粒貝、魷魚、櫻鱒魚同拖羅，全部都非常新鮮。粒貝同魷魚平時比較少見，兩款都好甜，切得好厚又爽口，完全唔粉好新鮮。拖羅壽司冇頭先咁厚切，更加感受到佢嘅軟滑同吞拿魚香味。海膽甜到癲，真係去到日本都未必食到咁甜，份量多到好似用左四分一板海膽咁，淨係呢道已經值回票價。鮑魚一人一隻咁上，雖然唔係超大隻但好厚肉，熱辣辣又滑又入味。甜蝦第一次試酒漬呢個做法，唔知點解有少少似醬油蟹嘅風味，濃味得黎本身蝦嘅鮮甜都仲係好出。最後以鐵火卷、鱧魚湯同甜品作結，柚子雪葩同完熟蜜瓜都係誠意之作，好
前菜梅貝煮同免治雞肉丸擺盤靚到好似幅畫咁，鐘意黑梅貝已經拆哂肉好方便，貝肉好大粒好爽甜。
刺身有平政魚同金目鯛，同樣新鮮咬落有回彈。
欣賞金目鯛燒得好靚，令我諗起嵐山食嘅鯛匠HANANA，魚味好濃好新鮮，仲加左咸香嘅烏魚子提味。
拖羅好肥美，唔需要燒下或者其他加工已經好夠油香，夾住酥脆嘅紫菜咬落去好似食緊A5和牛咁，好爽快。
和牛熟成左24日，牛味真係特別濃，表面焦脆，熟度岩岩好。
壽司五貫有池魚、粒貝、魷魚、櫻鱒魚同拖羅，全部都非常新鮮。
粒貝同魷魚平時比較少見，兩款都好甜，切得好厚又爽口，完全唔粉好新鮮。
拖羅壽司冇頭先咁厚切，更加感受到佢嘅軟滑同吞拿魚香味。
海膽甜到癲，真係去到日本都未必食到咁甜，份量多到好似用左四分一板海膽咁，淨係呢道已經值回票價。
鮑魚一人一隻咁上，雖然唔係超大隻但好厚肉，熱辣辣又滑又入味。
甜蝦第一次試酒漬呢個做法，唔知點解有少少似醬油蟹嘅風味，濃味得黎本身蝦嘅鮮甜都仲係好出。
最後以鐵火卷、鱧魚湯同甜品作結，柚子雪葩同完熟蜜瓜都係誠意之作，好滿意。
張貼
