影片
更多
2024-11-16
275 瀏覽
我之前嚟過呢一間餐廳嘅炮台山分店，想叫原條秋刀魚刺身，傻傻地咁叫咗池魚厚切，雖然好食，但繫心心不憤，今次我係再嚟搵條秋刀魚報仇既！唔好講咁多...食咗其他嘢先！🍖究極海鮮杯，海膽同吞拿魚茸，仲有金箔，鋪滿曬個杯，下面初頭以為係白飯，竟然全部都係蟹肉， 全部材料都非常鮮甜。佢又可以做到懸浮嘅效果，原因系最底層整咗一層啫哩，有淡淡嘅酒味，同埋蜜柑嘅果肉，非常清新。🍖呢度又有串燒，串燒點我一般都會食炸飯糰，但今次有啲特別，喺串燒埋個飯糰，而且上邊有咖喱汁，炸咖哩飯，唔需要其他材料一樣都唔出色，同場亦都有炸墨魚他他，脆脆嘅外皮之下，墨魚依然保持彈性，而且更加香口。仲有海膽右口魚炸蝦嘅卷物，白飯將燒過嘅右口魚，炸過嘅蝦，同原汁原味嘅海膽，帶出咗一個新嘅層次。🍖原條秋刀魚終於嚟到，放生咗佢一段時間，梗係要同佢死過啦，呢段期間佢有充足嘅運動，肉質爽彈又夠厚，而且色澤好靚，簡單配合酸汁，真係非常鮮甜。🍖最後食翻個甜品，....，諗諗下都係食多個明太子地雞pizza。薄皮嘅pizza先至系王道，咁先食得出材料嘅新鮮同好味，雞肉好嫩滑，我尤其鍾意佢入邊夾雜洋蔥，所以咬落嘅時候又有洋蔥汁噴出，少少刺激又增強
🍖究極海鮮杯，海膽同吞拿魚茸，仲有金箔，鋪滿曬個杯，下面初頭以為係白飯，竟然全部都係蟹肉， 全部材料都非常鮮甜。佢又可以做到懸浮嘅效果，原因系最底層整咗一層啫哩，有淡淡嘅酒味，同埋蜜柑嘅果肉，非常清新。
🍖呢度又有串燒，串燒點我一般都會食炸飯糰，但今次有啲特別，喺串燒埋個飯糰，而且上邊有咖喱汁，炸咖哩飯，唔需要其他材料一樣都唔出色，同場亦都有炸墨魚他他，脆脆嘅外皮之下，墨魚依然保持彈性，而且更加香口。仲有海膽右口魚炸蝦嘅卷物，白飯將燒過嘅右口魚，炸過嘅蝦，同原汁原味嘅海膽，帶出咗一個新嘅層次。
🍖原條秋刀魚終於嚟到，放生咗佢一段時間，梗係要同佢死過啦，呢段期間佢有充足嘅運動，肉質爽彈又夠厚，而且色澤好靚，簡單配合酸汁，真係非常鮮甜。
🍖最後食翻個甜品，....，諗諗下都係食多個明太子地雞pizza。薄皮嘅pizza先至系王道，咁先食得出材料嘅新鮮同好味，雞肉好嫩滑，我尤其鍾意佢入邊夾雜洋蔥，所以咬落嘅時候又有洋蔥汁噴出，少少刺激又增強味覺。
🍖最後食翻個甜品，焙茶紅豆pancake，好豐富嘅口感，pancake係相對硬身嘅嗰種，入邊搽滿花生醬，實實在在，再上面係相對比較腍嘅紅豆蓉，但係唔係完全軟身嘅嗰種，再上就係非常嫩滑嘅焙茶雪糕。以上就形成咗分明嘅層次，但係混合埋一齊又非常之有深度。
呢度同樣有獨立房間，下次又可以約多啲人一齊食。
張貼
