Y Pasta

早排經過沙田，見到有y pasta既coming soon，即刻諗起以前常常過海上西文堂前幫襯既餐廳，估唔到無學兩年，佢開店開到來我身邊。這天是結婚半年，同老公來吃意粉，沙田店既裝潢同印象中既銅鑼灣有少少分別，但變得更有格調，更適合約會。先來一客龍蝦湯$58，味道很濃郁，忌廉令湯更顯香滑。菠蘿小龍蝦薄餅$148（我問老公要唔要自己剝殼，佢笑我傻），薄餅底唔厚，邊皮好香脆，趁熱食菠蘿更甜。意式豬面肉卡邦尼蛋汁意粉$148餐牌上既意粉menu 全部都可以自選意粉種類，capellini, spaghetti, linguine, penne, 甚至手工製既fettuccine, pappardelle, anellini, gnocchi 。呢個意粉好乾身，唔會話好多汁浸住，豬面肉食落似煙肉，但更香口脆身。焙茶栗子巴斯克芝士蛋糕$88呢件蛋糕比一般餐廳既甜品都要大件，所以好抵食，兩個人一件都好夠。 焙茶好香口，唔太甜，芝士蛋糕一啲都唔膩。好運中心近期工程，人流唔多，但晚上工程停止後，餐廳就好寧靜，加上環境襯托，係好識合食飯傾偈既好地方。