影片
更多
2019-04-28
580 瀏覽
維尼b得閒就飲茶……唔係講笑，維尼b真係好鐘意飲茶，雖然佢食黎食去都係果幾樣點心！早幾日，唯唯媽去左太子買野，經過旺角警署附近，見到一間餐廳叫 得閒飲茶！個名好得意，睇下餐牌，係食中式點心，連點心名同點心個樣都好得意，於是入左去飲茶！我同維尼b食左，蟲草花花膠灌湯餃、蛋黃流沙包、芝士蝦春卷、黑豚肉脆脆豬、雲耳雞飯、姬松茸燉排骨湯、3.6牛乳太陽蛋！(食物係有啲多，但樣樣都得意，樣樣都想試😂😂）蟲草花花膠灌湯餃，好足料，有幾塊花膠，同蟲草花，湯底無味精好好飲，灌湯餃一啲肥肉都無，唔會食到一口肥膏，必食！蛋黃流沙包，造型得意，維尼b首先食左眼睛，自己KO一個流沙包！芝士蝦春卷，新鮮炸起，好脆，餡料隨左蝦，同芝士既咸香，仲加左紫椰菜絲，紅蘿蔔絲，食多2件都唔怕油！黑豚肉脆脆豬，係豬仔造型既咸水角，裡面既餡係黑豚肉，唔會肥淋淋得肥膏。雲耳雞飯，原籠用荷葉墊底蒸，飯粒粒分明，雲耳同雞都好夠份量，我同維尼b食剩半籠打包拎走左。唯唯媽晚飯蒸返熱黎食，飯都唔會又濕又淋喔！姬松茸燉排骨湯，呢個湯係叫俾維尼b既，佢飲左半盅，好足料，姬松茸仲有增強抵抗力，預防感冒功效喔！3.6牛乳太陽蛋，其實已經好飽，但維
唔係講笑，維尼b真係好鐘意飲茶，雖然佢食黎食去都係果幾樣點心！
早幾日，唯唯媽去左太子買野，經過旺角警署附近，見到一間餐廳叫 得閒飲茶！個名好得意，睇下餐牌，係食中式點心，連點心名同點心個樣都好得意，於是入左去飲茶！
我同維尼b食左，蟲草花花膠灌湯餃、蛋黃流沙包、芝士蝦春卷、黑豚肉脆脆豬、雲耳雞飯、姬松茸燉排骨湯、3.6牛乳太陽蛋！(食物係有啲多，但樣樣都得意，樣樣都想試😂😂）
蟲草花花膠灌湯餃，好足料，有幾塊花膠，同蟲草花，湯底無味精好好飲，灌湯餃一啲肥肉都無，唔會食到一口肥膏，必食！
蛋黃流沙包，造型得意，維尼b首先食左眼睛，自己KO一個流沙包！
芝士蝦春卷，新鮮炸起，好脆，餡料隨左蝦，同芝士既咸香，仲加左紫椰菜絲，紅蘿蔔絲，食多2件都唔怕油！
黑豚肉脆脆豬，係豬仔造型既咸水角，裡面既餡係黑豚肉，唔會肥淋淋得肥膏。
雲耳雞飯，原籠用荷葉墊底蒸，飯粒粒分明，雲耳同雞都好夠份量，我同維尼b食剩半籠打包拎走左。唯唯媽晚飯蒸返熱黎食，飯都唔會又濕又淋喔！
姬松茸燉排骨湯，呢個湯係叫俾維尼b既，佢飲左半盅，好足料，姬松茸仲有增強抵抗力，預防感冒功效喔！
3.6牛乳太陽蛋，其實已經好飽，但維尼b見到甜品張相話「太陽伯伯」，原來係燉奶加啫喱做成太陽造型，好可愛！燉奶好濃好滑，唯唯媽只係食試味左一啖，然後維尼b就食晒成碗🙄
推介必試：蟲草花花膠灌湯餃，姬松茸燉排骨湯，黑豚肉脆脆豬，3.6牛乳太陽蛋❣️
食左咁多野 埋單$199（之後先發覺，姐姐計漏左我$4茗茶😂😂），食唔晒既包左返企做唯唯媽晚餐，呢個價錢食2餐，食物好食，造型可愛，維尼b食得開心，媽媽埋單都開心啲😂😂
張貼
