鮨燐

營業中

休息中

今日同朋友黎到呢間人氣鮨店-鮨燐，主打Omakase，以吧枱設計可以近距離同廚師互動，餐廳裝修柔和木系設計，環境充滿日式風情。餐廳嚴選當造食材，食材好新鮮。餐廳而家做緊優惠經open rice網上訂位Dinner Menu有7折優惠,仲包飲品一杯，可選自家製梅酒。13貫壽司套餐 $736 （7折優惠）✦蜜柑雕 散發出淡淡的蜜柑味✦帆立貝 師傅打開咗帆立貝肉營造有一絲絲入口比較紥實 味道鮮味✦深海池魚 肉質比較實 油份突出✦地金木鯛 火炙後皮下脂肪溶解食落更香✦右口魚 師傅加左博多萬能蔥 火炙後中間再爆發魚油 多重口感✦油甘魚 肉質細嫩 魚味清鮮✦清木太刀魚 肉質細緻 油質豐富 師傅加入柚子胡椒 帶點辣辣地味道✦牡丹蝦 飯入邊加咗蝦膏慢慢散發出鮮味✦鮮赤貝 師傅輕輕拍一拍令肉質收緊更有彈性 中間加入柚子皮 帶出柚子清香味道✦中拖羅 油份比較平均 肥得來帶魚味✦北海道銀鱈魚 油脂豐富 肉質細嫩✦北海道根室馬糞海膽 甘香軟綿 比較清甜✦赤身 肉質無筋細膩 肉身比較滑✦吞拿魚蓉手卷 師傅加入大量吞拿魚蓉 每一口都是滿滿魚蓉～晚市套餐仲有沙律、麵豉湯同甜品柚子雪芭，大滿足！