釜山商會

今日行過尖沙咀呢條街，原來都幾多韓國餐廳，見到呢間食釜山美食嘅韓國餐廳，又幾特別，好少見有食釜山食品嘅餐廳，所以就入去試吓。首先係6小碟嘅前菜，每款都好好味，好正宗。龍頭山塔辣豬骨鍋呢個係佢地招牌菜，緊係要叫黎試吓啦，上菜果時都幾有氣勢，d豬肋骨搭到好高，成座山塔咁，側邊仲有勁又芝士圍住，店員首先將d豬肋骨放入個湯汁入面煮熱，之後就繞滿芝士，食落非常淋滑，唔算太辣，配埋芝士勁正。釜山豬肉湯飯上菜時熱辣辣，d湯仲滾緊，個湯飲落好鮮味，好濃嘅豬肉味，入面都有勁多料，d豬肉都好淋好滑，好味。石板烤豬肉上菜時仲咋咋聲，d豬腩肉烤得啱啱好，唔太燶，但又有焦香味，見瘦適中，完全唔油膩，非常好食。