釜山商會

約咗朋友嚟釜山商會食飯，朋友細食我又唔肚餓，於是叫一主食一小食～一坐低店員就上6款前菜，超貼心🤣！店內環境好有氛圍，韓國人店員多，感覺幾正宗韓式風味，坐得舒服～睇見menu見到辣「章三蝦」一人鍋，外貌超吸引！🦑章魚好大隻吸睛，仲有蝦同豚肉，章魚煙韌彈牙，湯底係用韓式泡菜+辣醬熬製而成，望落開胃，但食落稍為淡左少少，豚肉片好多有少少肥膩，辣度係小辣。另外迷你韭菜海鮮煎餅，size對女仔超友好，外皮煎得乾脆金黃，煎餅足料每啖韭菜香氣爆發，海鮮鮮甜，配韓式醬汁一流，脆口過癮😋…查看更多

尖沙咀「韓國街」嘅韓國餐廳真喺花多眼亂，間間都好似差唔多咁，一時唔知揀邊間好🧐但見到呢間環境行韓式工業風格，睇落好闊落、感覺好有氣氛、佈置都好有心機、好有萬聖節氣氛🎃就行咗入去試吓啦～～～聽講佢地嘅大廚、老闆、員工都喺釜山人，想食正宗嘅釜山菜式就一定要嚟呢間啦！👉🏻 釜山商會「章三蝦」一人鍋💰128有章魚🐙（爽口彈牙～佢地仲幫我哋剪埋，好好服務👍🏻）、蝦🦐同五花肉🐖，仲加埋配菜娃娃菜、秀珍菇同韓國公仔麵，湯底嘅海鮮味好濃郁，吸收晒章魚同蝦嘅精華，鮮味十足！呢個鍋滋味又飽肚！推介！（🔔鍾意辣嘅可以揀辣味㗎～）👉🏻 韓式石鍋牛腸鍋💰128牛腸經過韓式醬料燉煮，油脂豐富但唔膩口～入面仲有牛栢菜、多種配料，湯底香辣惹味，值得一試～（鍾意食重口味嘅朋友話呢道喺佢最鍾意嘅菜式😛）👉🏻 釜山商會風味炸雞鎚💰98呢間雖然唔喺韓式炸雞專門店，但佢哋嘅炸雞🍗真心唔錯！一啲都唔比出面嘅炸雞專門店遜色！雞鎚好大隻，份量大，而炸皮好脆唔會太厚，雞肉好多肉汁，咬落去好juicy! 唔怪得之喺餐廳嘅人氣之選啦！👉🏻 醬油蝦蓋飯 （8pcs）💰148醬油蝦經韓式醬油醃製，味道偏甜中帶鹹，唔會得個鹹字、味道啱啱好，蝦肉都好鮮甜！配埋白飯嚟食，啲醬汁滲入飯粒，超入味！送飯一流😋好味到清哂成碗飯！整體嚟講，呢餐真喺食得好滿意，服務、環境、味道都好好👍🏻下次會再帶多啲朋友過嚟試其他菜式，仲會試埋佢嘅$108/90mins 任飲🍻～襯住而家呢個天氣涼涼地，坐喺佢嘅室外位，同朋友傾吓計、飲吓嘢已經非常有feel! 想飲嘢嘅朋友都唔需要過去諾士佛台啦😆…查看更多

昨天溫度回落，坐出邊真心舒服，一邊看着人來人往的街道，一邊品嚐韓系美食💕今次和朋友吃了半半炸雞鎚，是甜辣和蜂蜜醬油炸雞脆💕還有海鮮嫩豆腐鍋和泡菜炒飯😋半半炸雞鎚：一次滿足我和朋友愛的兩種口味💕海鮮嫩豆腐鍋：嫩豆腐搭配鮮味濃郁的海鮮，湯充滿海鮮的鮮甜和辣椒粉的香氣，令人食欲大開泡菜炒飯：加入金黃色的煎蛋和碎海苔，豐富了視覺層次。海苔碎和芝士的加入，為炒飯帶來淡淡的鹹香，提升風味。這裏還有韓燒和燉鍋的餐牌，下次有機會再來品嚐😋✨️釜山商會金巴利道79-81號金栢閣地下A-C號舖營業時間：Mon-Wed 12:00nn-12:00am Thur-Sat 12:00nn - 1:30am Sun 12:00nn - 10:00pm…查看更多

上個周末嚟到依間韓國餐廳食飯，店面好有特色，霓虹燈適合打卡。一坐低，店員就會提供三款前菜（泡菜、黑豆、魚糕），可以任添。今次嗌咗以下兩道菜：🔸原隻雞蔘雞湯：湯底清甜，湯比較濃淍，入面有啲細細粒飯粒。雞肉嫩滑，食完唔口渴，飽肚又暖胃。🔸泡菜煎餅：煎得金黃香脆，泡菜味冇想像中咁突出，味道剛好，食完一件又想食下一件。星期六夜晚去餐廳已經有啲full，店員提議我同朋友坐出面，但冇提及出面可以食煙；以致我哋食咗冇耐之後，隔離有枱食客食煙，我哋要吸二手煙。食物好食，不過覺得服務還有改善空間，而且價錢比較進取，可能以遊客生意為主。…查看更多

今次試咗兩款主打菜，抵食又驚喜！ 首先係 「半半炸雞」，揀咗蜂蜜醬油同原味雙拼。雞皮炸到超鬆脆，入面雞肉竟然keep到嫩滑多汁，蜂蜜醬油香甜惹味，原味就更能食到肉香，真心抵讚！ 「釜山豬肉湯飯」湯頭濃郁得嚟唔鹹，豬肉煮到軟淋入味，加埋韭菜、蝦醬調味，熱辣辣咁食落肚，暖胃又滿足。 最貼心係落單即送上「六色韓式小菜」泡菜爽脆、辣醬魷魚彈牙，甜薯微甜，每款口感都唔同，送飯送炸雞都夾，成餐飯豐富又唔膩口。 整體食物質素對得住價錢，尤其炸雞真係食過翻尋味，想簡簡單單食餐高質韓料的話，呢度值得一試！…查看更多

這間韓國餐廳黑板上畫滿手繪畫和留言，有中英文同韓文，感覺好chill又有氣氛🤭成個環境有點玩味，好適合同friend打卡！💠一人部隊鍋 $148湯底超濃郁微辣，韓式辣醬香，入面有即食麵、火腿、時蔬同豆腐，口感豐富，麵條彈牙吸湯又夠味😌💠半半炸雞鎚 $108/4黑蒜醬油炸雞鎚：雞件外脆內嫩，黑蒜醬油香濃微甜，帶少少蒜香但不嗆，層次感好突出辣雞Mayo炸雞鎚：酥脆炸雞鎚配上辣椒美乃滋，辣中帶甜同奶香，醬汁包住雞肉每啖都好惹味，不會太膩🤟🏻🤟🏻🍗…查看更多

來到尖沙咀金巴利道的Busan Sanghoe，被店外可愛的青蛙吉祥物和霓虹燈招牌吸引！🐸✨ 店內裝潢充滿韓國特色，牆上掛滿了彩色的鎖，營造出浪漫又充滿活力的氛圍。只要like 社交平台便可以獲取一個鎖。1️⃣ 全球首創 - 金山商會辣「章三蝦」一人鍋 ($138)哇！這道菜真是太驚艷了！🦑 超大隻新鮮章魚配上鮮蝦，躺在香濃辣味十足的湯底上，賣相已經令人食指大動！章魚肉質極度鮮嫩，完全沒有韌性，一咬就能感受到海鮮的甜美，另外還有鮮蝦及大量的豚肉。湯底香辣適中，與幼身拉麵完美配搭，每一口都充滿層次感。章魚觸手飽滿有彈性，可以感受到廚師對食材的用心處理，新鮮度絕對是一流水準！💯2️⃣ 半半炸雞腿 Half-half Chicken Legs ($108) 創新的雙重口味炸雞！一邊是黑蒜醬油味，另一邊是辣蛋黃醬，兩種風味各有特色。🍗 外皮酥脆得恰到好處，雞肉內裡依然保持多汁，黑蒜醬油味帶有微微蒜香，不會太重，而辣蛋黃醬則為整道菜增添了一絲韓式辛辣，讓人欲罷不能！小菜拼盤也十分豐富，泡菜、醃蘿蔔、黑豆等都很開胃，完美襯托主菜。特別要讚賞的是配菜的新鮮度和口感，可以感受到餐廳在細節上的用心。🥬整體來說，這頓晚餐的性價比相當高，份量十足，用料新鮮，絕對超值！💰 最令人印象深刻的還是那隻巨型章魚，不論是賣相還是味道都無可挑剔，絕對是店內的皇牌之選！環境方面，餐廳佈置充滿韓國特色，霓虹燈的裝飾營造出時尚潮流感，音樂選擇也很到位，為食客帶來愉快的用餐體驗。服務態度親切，上菜速度適中，讓人感覺舒適自在。🌟強烈推薦大家來試試這間充滿特色的韓國餐廳，特別是那道章三蝦一人鍋，真的是驚喜滿滿！保證不會令你失望！💝 #美食推介 #韓國菜 #尖沙咀美食 #抵食推薦 #打卡好去處…查看更多

今次黎到尖沙咀既「韓國街」見到呢間餐廳空間闊落 餐牌又好吸引又入左去試下食唔食到韓國既味道一坐底 就有一盤前菜歡迎我地好似韓國咁 入面有唔少得既泡菜、橄欖、醃菜🌶️全部都唔會好辣，連我唔食得辣都可以清空哂我最鍾意係食佢嘅甜薯仔🥔做到外脆內軟嘅口感主菜叫左個海鮮嫩豆腐鍋🦞湯底充滿住海鮮既鮮味甜甜地都唔會好辣入面有海量既嫩豆腐主打既海鮮有青口、蝦同魷魚🦑一口接一口 好適合送飯然後就叫左半半炸雞鎚🍗一款係黑蒜醬油、一款係原味炸雞既外皮炸得超鬆脆！！入面啲雞肉又勁嫩滑極推介！！！最後玩左個打卡遊戲可以同伴侶扣左愛情鎖係牆上面打卡🔐都係一個小心思既位💕…查看更多

香港尖沙咀韩国菜｜高性价比釜山商会冷面+炸鸡尖沙咀逛到发懵，热浪滚滚急需降温？拐进「釜山商会」，直奔这碗 冰凉冷面，瞬间原地复活！🧊汤底超冰爽！酸酸甜甜的汤底，冰镇到透心凉，一口下去暑气全消，比空调还直接！🍜面条够劲道！面滑溜有嚼劲，泡在冰汤里也不会软烂，嗦起来超爽快。配料很清爽：雪梨片、青瓜丝、泡菜...搭配得清清爽爽，夏天吃毫无负担。当然，韩餐灵魂 无骨炸鸡也不能少！🍗外脆里嫩：炸衣够酥脆，咬下去咔哧响，里面的鸡肉还保持着嫩滑多汁。无骨超方便：懒人福音！大口吃肉不用吐骨头，和朋友分享也超方便。甜辣平衡，配冷面很解腻！总结夏日绝配：一碗冰到心坎里的冷面 + 一碟香脆爆汁的无骨炸鸡 = 香港闷热午后的完美救赎！💦📍尖沙咀 | 釜山商会…查看更多

➲ 尖沙咀 釜山商會 全場韓國Oppa主理的釜山料理店！工業風裝修搭配霓虹燈牌，宵夜放鬆傾談好去處。餐廳贈送6款開胃韓式小碟：黑豆甜糯如蜜餞、馬鈴薯絲裹麻油香、辣魷魚鹹鮮爆擊，釜山醃牛蒡爽脆帶人參香！ ➳ 釜山商會豬肉冷麵𝚆𝚑𝚎𝚊𝚝 𝙽𝚘𝚘𝚍𝚕𝚎𝚜 & 𝙲𝚘𝚕𝚍 𝚂𝚘𝚞𝚙有別於平壤冷麵的酸甜，釜山版以豬骨輕熬，湯色透亮，入口淡雅肉香，尾韻浮現雪梨汁的微甜！冷麵粗細介乎蕎麥麵與烏冬之間，彈牙帶韌勁，混韓式辣醬激發層次。 ➳ 釜山商會風味炸雞𝙾𝚛𝚒𝚐𝚒𝚗𝚊𝚕 𝙲𝚑𝚒𝚌𝚔𝚎𝚗外殼灑滿釜山特調酸甜醬、蛋黃醬，大蔥絲點綴提香，無骨雞塊鹹香中帶淡淡乳香。 ⤵ @busansanghoe_hk尖沙咀金巴利道79-81號金栢閣地下A-C號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #尖沙咀美食 #韓餐 #韓食 #炸雞 #水冷麵 #冷麵 #釜山 #釜山商會…查看更多

每次去釜山旅行都會食螞蟻家🤣唔知大家有無試過～係牛腸+章魚+蝦combo既鍋物🥹超級正😍依家唔洗去韓國！尖沙咀都有得食呀😋 今次黎左呢間釜山商會，食左個無骨炸雞，外脆內嫩，肉汁滿滿，外面炸得好乾爽👍 仲試左個招牌釜山商會三合👍 泡菜、豆腐、豬肉包埋一齊，感覺好特別，豆腐既豆香味同質地令成個口感昇華😋🎉·人均：$250+·評分🪄 (滿分5🍑)味道：🍑🍑🍑🍑環境：🍑🍑🍑🍑性價比：🍑🍑🍑服務態度：🍑🍑🍑🍑回頭率：🍑🍑🍑🍑·📍 釜山商會 (尖沙咀)尖沙咀金巴利道79-81號金栢閣地下A-C號舖🚇佐敦站D出口步行8分鐘…查看更多

早排去了釜山旅行，一直仲掛住釜山嘅地道味道，終於俾我喺尖沙咀搵到「釜山商會」呢間超有韓國風味嘅小店！一入門就感受到滿滿韓國 vibes，裝修好chill，好有韓國街頭餐廳嘅感覺，啱晒一班姊妹或者情侶嚟打卡同聚餐🤩📸。職員都好親切，介紹菜式好細心，真係加分！Menu選擇多元化，主打釜山地道韓食，有唔同韓式小食、主食同火鍋，最正係有啲菜式仲有一人份量，自己嚟都唔怕尷尬😎。首先要推介佢哋嘅芝士雞蛋卷，厚厚蛋香加埋拉絲芝士，咬落去又滑又creamy，鹹香中帶少少甜，簡直係幸福滋味🧀🥚！韓式香腸炒蔬菜都唔可以錯過，香腸夠彈牙，配埋炒得啱啱好嘅泡菜，口感豐富又唔油膩，最啱用嚟送啤酒🌭🥦！重頭戲一定係辣章三蝦一人鍋，夠晒特別，香港好少見！入面有好多豬肉片，仲有大大隻辣章魚，湯底辣得過癮但唔會嗆喉，海鮮鮮味十足，份量啱啱好，完全還原咗我喺釜山食火鍋嘅感覺🦐🔥！總結嚟講，「釜山商會」真係好適合想搵返韓國味道嘅朋友，價錢合理，環境又舒服，下次一定要帶多啲朋友嚟再encore！🌈😺…查看更多

釜山商會最近推出咗個大癲嘅 180 min Beer, Soju free flow！今次真係要飲過！飲得 Somaek 就緊係要配炸雞，我哋嘅半半炸雞槌揀咗黑蒜醬油口味拼辣雞沙律味~🍗估唔到個炸皮勁脆不特止入面嘅雞肉仲係嫩滑有汁的！雖然釜山商會係主打釜山風味燉鍋，但依家嘅天氣我哋最後係叫咗勁清爽嘅甜辣冷拌麵！麵條夠彈牙配合甜辣醬同埋清爽嘅青瓜，蔬菜食完都無咩負擔~ ❄️❄️❄️加埋豬肉片同雞蛋一啲都唔寡~值得一提係佢哋嘅小菜有成六款咁多，仲有罕見嘅黑豆同辣八爪魚添 （我哋都覺得個小菜份量有啲多😂😂 千祈唔好一開始狂食，否則連正餐都食唔落~）…查看更多

今次去咗尖沙咀嘅釜山商會，真係一個幾有特色嘅韓國餐廳，環境舒服又有啲韓國風味，啱晒一班朋友嚟聚會傾計🍻。我哋叫咗兩款招牌菜，分別係無骨炸雞同埋釜山商會三合（泡菜、豆腐、豬肉）🍗。無骨炸雞炸得好香脆，外層金黃帶點微微嘅甜辣醬汁，仲有淋上美乃滋，口感層次豐富，雞肉嫩滑唔乾，食落好滿足！份量雖然係半份，但絕對夠兩個人分享，啱啱好唔會太飽又食得開心。至於釜山商會三合，擺盤好靚，泡菜酸辣開胃，豆腐滑溜溜，豬肉切得薄薄嘅，配埋泡菜同豆腐一齊食，味道好有層次，帶啲微辣又唔會過火，食落好開胃又健康，真係好適合配飯或者酒🍶。另外，餐廳嘅小菜都好豐富，有多款韓式小食可以自由配搭，令整體食餐更加豐富。服務態度亦都幾好，落單同上菜都幾快，整體體驗好舒服。總括嚟講，釜山商會係一間適合朋友聚會嘅好地方，食物味道地道又有特色，環境又夠晒 chill，價錢合理，絕對值得再去試多次！👍…查看更多

韓菜正宗超級部隊鍋 尖沙咀金巴利道 韓國餐廳林立 好多選擇 😎我哋揀咗釜山商會 餐廳面積好大 好似係韓國人開嘅 裝修簡潔且特別 配有色彩繽紛嘅霓虹燈 坐得舒服🥰 好多人喺度飲酒傾偈 喺呢度真係好放鬆😉 佢啲前菜都好吸引 番薯甜腍 泡菜好酸辣爽脆 好地道 薯仔絲唔辣 啱我 仲少有地用黑豆做前菜👍 我哋兩個人就揀咗部隊鍋😋 特殊部隊鍋$488超大份 有腩肉 午餐肉 腸仔 芝士 洋蔥 京蔥 椰菜 韓式年糕 泡菜 雲吞 粉條 好豐富🥰食韓菜最好就係有Oppa幫我哋喺我哋面前煮呢個部隊鍋 好細心 慢慢幫我哋做呢個料理 🤩 煮熟後溫柔地叫我哋享用 咁多食材 味道互相影響 好入味 熱辣辣 真係超正😋😋 一個鍋就足夠兩至三人份量 下次要試其他 尤其是佢哋嘅韓式炸雞 好想食😍🤣 釜山商會 (尖沙咀)尖沙咀金巴利道79-81號金栢閣地下A-C號舖…查看更多