影片
更多
2023-04-22
148 瀏覽
燒肉唔計熱氣，真係冇藉口話唔好味嘅 😆😋介紹你哋呢間老字號嘅韓式燒肉店，原名叫「韓珍」，年頭剛剛改咗名叫「韓脈」🇰🇷位於好浪漫嘅尖東果頭，帝國中心入面 😙一入到門口，靚女侍應熱情主動招呼，但發現係要講英文架下 😂 (唔叻英文嘅話就 this this 啦 😅 即例如我囉 😆)可能我乖，佢俾咗個靚位我 😁✌️佢個餐牌有圖有中英文，可放心 😁呢度上菜速度都幾快，一坐落櫈就即刻俾餐牌同前菜小食，當晚前菜有6碟：泡菜、雜菜沙律、芽菜、醃漬紅白籮蔔、魚仔豆角，仲有鵪鶉蛋 😳前菜可以添加... 我有一個大膽嘅想法，就咁叫個白飯，剩係食前菜都可能飽哂 😂叫咗：Pork & Beef Set BBQ (2人用) 好厲害！想講呢個套餐嘅份量，3個女仔食都得！😮套餐包括：🥩蜂窩五花肉＋豬肩肉＋調味特級牛肋骨全部都係厚切🔥😍 正呀 🤩同埋可以請服務員幫你燒肉肉 👍😄咁就唔怕燒得唔好，浪費咗d咁靚質素嘅肉，仲幫埋你剪好一舊舊方便你食添 🤤想講呢度嘅服務員真係跟得唔錯，就算行開一陣，都會定時定候行嚟睇火喉同檢查下d肉燒成點，佢地之間默契都好好，唔同人輪住嚟睇d肉肉架 😮 完全都唔駛我哋操心嘅 👍 令到我地餐飯都食
介紹你哋呢間老字號嘅韓式燒肉店，原名叫「韓珍」，年頭剛剛改咗名叫「韓脈」🇰🇷
位於好浪漫嘅尖東果頭，帝國中心入面 😙
一入到門口，靚女侍應熱情主動招呼，但發現係要講英文架下 😂 (唔叻英文嘅話就 this this 啦 😅 即例如我囉 😆)
可能我乖，佢俾咗個靚位我 😁✌️
佢個餐牌有圖有中英文，可放心 😁
呢度上菜速度都幾快，一坐落櫈就即刻俾餐牌同前菜小食，當晚前菜有6碟：泡菜、雜菜沙律、芽菜、醃漬紅白籮蔔、魚仔豆角，仲有鵪鶉蛋 😳
前菜可以添加... 我有一個大膽嘅想法，就咁叫個白飯，剩係食前菜都可能飽哂 😂
叫咗：
Pork & Beef Set BBQ (2人用)
好厲害！想講呢個套餐嘅份量，3個女仔食都得！😮
套餐包括：
🥩蜂窩五花肉＋豬肩肉＋調味特級牛肋骨
全部都係厚切🔥😍 正呀 🤩
同埋可以請服務員幫你燒肉肉 👍😄
咁就唔怕燒得唔好，浪費咗d咁靚質素嘅肉，
仲幫埋你剪好一舊舊方便你食添 🤤
想講呢度嘅服務員真係跟得唔錯，就算行開一陣，都會定時定候行嚟睇火喉同檢查下d肉燒成點，佢地之間默契都好好，唔同人輪住嚟睇d肉肉架 😮 完全都唔駛我哋操心嘅 👍 令到我地餐飯都食得好relax 🥰
由五花肉食起 ＞豬肩肉 ＞最後食牛肋骨 🐖🐂
五花肉至邪惡！喺肉上面𠝹成網紋咁，等燒嘅肉平均熟透，爆出油脂，而肉外面燒到帶點焦香，內裡就好爽滑，連埋生菜同配料一齊食好滋味呢！
豬肩肉都唔錯架，冇五花肉脂肪咁多，半肥瘦，入口鮮嫰軟腍，都好香口 ❤️
牛肋骨用咗特製調味，超超超juicy！😍🤤
因為上菜嘅時候，見到牛肋骨已經帶住好多汁！成隻碟都係調味汁＋肉汁 😮🤩
好霸氣，又長又大大塊！
肉味好夠濃，肉質又夠嫰 ❤️ 汁醃得當然夠耐所以好入味，送白飯一流！🍚
🥗牛油果＆生果沙律
有d驚喜喎 😃 平時沙律多數用沙律醬，呢度係用乳酪！所以食落唔覺漏 😙
材料有牛油果、青提、車厘茄、雜菜及紅籮蔔絲，青提子清甜，夾埋車厘茄＋乳酪，酸酸甜甜，可以平衡返食完肉肉嘅油膩感 😃❤️
🍲牛胸肉大醬湯
韓式大醬湯係一道韓式嘅家庭菜之一。
有牛胸肉，豆腐、白籮蔔、洋蔥、蔥等，連同韓式味噌去煮，用足料，所以十分濃郁，感覺似家的味道 🥰
🍨 雪糕 2客
因為太飽，最後叫店員唔好拎嚟 😂🙈
所以俾唔到評論，我其實好想食架 🥺
隨任何燒烤套餐，仲送你一客鐵板煎蛋餅 🍳
不得了！😂 同朋友都好努力咁食！
煎蛋餅唔係厚身，所以唔怕食滯 😄
充滿蛋香，蛋餅邊位仲有d薄脆添 😋
食咁多嘢，點可以唔啤一啤呢！🤩
大家拋夫棄子，梗係happy下啦 😂
兩杯都巨型size！🍻
🍹 Beer Rita (Pink Grapefruit)
🍺 Hoegaarden (500ml)
張貼
