Thai Fire

同朋友一齊嚟咗呢間樓上泰國🇹🇭餐廳食泰國菜🤣$88「泰式鳳爪」：鳳爪辣辣哋，咬落非常爽脆🤣$388「醬香蹄膀」：好大一隻豬手🐷🖐️，炆煮得好腍，一切落去就完全離骨😋，仲可以用生菜包住嚟食😋，又有不同味道嘅醬汁可以沾🤣$268「大冬陰」：好大兜嘅冬陰功湯🤣，有幾隻大頭蝦同埋好多菇菌，湯底非常濃郁，仲有個小火爐㷫住熱辣辣🤣$98「小芒果糯米飯」：芒果鮮甜，糯米飯煙靭，一齊食好夾😋$48「泰火特飲」：藍藍哋色係加咗蝶豆花，仲有隻好趣緻嘅小熊🤣$48「芒果椰奶」：有椰奶香味又有芒果香味😋；兩杯都夠晒凍冰冰，唔係好甜，幾清新🤣