幸圓

營業中

休息中

同家人出嚟逛街，偶然間搵到呢間位於鰂魚湧英皇道嘅【幸圓】，覺得佢哋嘅餐廳非常靚，而且仲有靠窗口嘅位置。裝潢都非常獨特，係以木系為主，令人感覺好居家，又帶有一D日本風格。非常好奇佢哋主打咩菜，睇咗餐單發現日式西式佢哋都有賣，同家人商量後決定喺度用餐。我要咗一個佢哋推薦畀我嘅【刺身盛八點】，系佢哋嘅身拼盤。各種魚類海鮮嘅刺身，從擺盤就非常吸引我，然後份量好足，種類好多。一個拼盤就可以品嚐到各類海鮮嘅美味。【赤蝦他他·魚子醬·蝦汁意大利粉】嘅魚子醬同蝦嘅搭配，令意大利粉嘅口味好豐富，鮮味令意大利粉嘅味道層次更上一層樓，味道不單調，食住不會膩。【燒酒糟鮑魚】嘅肉質好彈牙，彈性非常足，好新鮮。然後燒酒味帶啲微微嘅酒香，令鮑魚越咬越香。【燒八爪魚配蒜味味噌蛋黃醬】都好特別，首先八爪魚好香嫩，配埋醬汁，濃鬱嘅蒜味、味噌、蛋黃醬，令八爪魚嘅口味好豐富，可以嘗到各式各樣嘅味道。我與家人吃得好開心，推薦大家都可以帶家人嚟呢度用餐，絕對五星級好評！