幸圓

營業中

休息中

今日約了在鰂魚涌太古坊工作的朋友聚會，就在附近的一間融合日式和西式的餐廳吃晚飯。餐廳以日系淺木色裝潢，一排大窗戶放置了闊落的卡座位，非常舒適。除了有名的日式主餐🥘外，這裏的甜點🍨和特飲🍹也十分吸引。🍹Mango Paradise $58將清甜芒果和新鮮菠蘿攪拌成沙冰，蜂蜜柑橘加添清新香甜口感😋。🍹Kiwi Paradise $58這杯以新鮮奇異果和蘋果制成的飲品，味道清香，加上薄荷葉，清新又健康🥰。🔥北海道海膽大葉醬魚生他他多士 （3件）$138這道小食值得一讚🤩將不同的魚生切粒，食材新鮮又清甜，鋪在脆口多士上，令口感更有層次感；主角還有北海道雙色海膽，味道非常鮮甜，食完還有回甘口味，我哋還想再encore呢！🔥A4一本和牛丼飯 $258將和牛薄片抹上醬油，鋪在軟綿的米飯上，和牛肉質鮮嫩帶光澤色彩；放上生雞蛋🥚和蔥絲，混和後食用，美味之餘亦加添嫩滑口感。🧁士多啤梨疏乎厘班戟 $118樣子可愛Q彈，大大粒士多啤梨放在頂上非常吸睛😍，另有棉花糖和士多啤梨🍓鮮果粒，再加上朱古力醬和口感鬆軟嫩滑的疏乎厘班戟，完全係味覺和視覺享受🥰，好有節日氣氛🥳。

我想同你一齊食…濃情蜜意朱古力牛角包窩夫平日好少去鰂魚涌，今日去做正經事，順便食個晚飯！蜆肉白酒香草汁扁蔥粉 $168蜆肉多多，白酒香草汁清香得嚟唔會太濃，扁蔥粉煮得啱啱好，掛汁又開胃！烤紐西蘭羊扒配開心果香草醬 $288小羊扒夠的骰，5成熟，羊扒內裡肉質嫩滑，羊味不會太羶，沾開心果香草醬味，配羊扒食ok! 份量有點少正常胃嘅寶寶都可能未必夠，所以呢個時候可以留肚食甜品🤣榛子朱古力牛角包窩夫 $68牛角包窩夫外脆內軟，榛子朱古力醬濃郁香甜，食落好滿足，一個人自私食都唔過！比利時朱古力特飲特飲+$30朱古力味濃郁得嚟唔會太甜，飲落順滑，啱晒朱古力控！幸圓 (鰂魚涌)鰂魚涌英皇道1001號1樓1-2號舖#鰂魚涌美食 #太古美食

「激量相撲大神鍋」係用豬骨長時間熬製而成，湯頭呈現乳白色澤，飲啖落去都充滿膠質同濃郁嘅豬骨鮮香味😍 年糕福袋吸晒湯汁之後更加香濃，彈牙嘅年糕食落帶住軟糯嘅口感😋雞軟骨帶住雞肉嘅鮮甜同軟骨嘅嚼勁，口感紮實又細膩

之前聽遠房親戚講呢間餐廳嘅水準好好，一直介紹佢哋嘅菜品非常好食，就抱住試一試嘅心態嚟到呢度試下佢哋嘅菜色。佢哋呢度主打多國菜fusion，非常之有特色，每一道菜色睇落都好惹味，菜單上有好多菜色都吸引到我，都想每一道都試下，可惜我嘅肚只有一個，唔可以食咁多。最後叫汁燒鳥腿肉親子意大利粉，單睇名字就已經覺得好好食。菜一上嚟就見到非常大嘅燒鳥腿，肉質軟嫩之餘，仲風味十足，香濃嘅燒烤香，加埋粉條彈牙嘅口感，再加上餐廳環境嘅氛圍，簡直系人間天堂，這碟意大利粉真系太好味啦！而且分量超級夠食，一啲都唔會覺得食完唔飽，一個人絕對夠食！嘢食好味，地方又好，食得舒服又食得爽，親戚真系冇介紹錯。非常推薦大家都嚟試下！

男朋友前幾日帶我去咗個好浪漫嘅地方【幸圓】食晚餐。每樣嘢都系高級嘅味道，令人難以忘記！呢碗刺身丼擺滿曬刺身，又鮮又甜，令人每一啖都充滿驚喜。而且刺身新鮮無比，原汁原味，完美帶出海鮮本身嘅鮮味，簡直系人間美味！除咗刺身定食，我仲另外叫咗燒八爪魚，外焦內嫩，咬住好有嚼勁，配上獨特嘅醬料后，八爪魚獨特嘅風味更加明顯，咸香濃郁，食到停唔落。我最鐘意就系呢份擺盤靚嘅多士。多士咬住好香脆，上面放咗海膽同魚生他他，食住十分鮮美，再配上特別嘅醬汁，味道同口感都變得更加豐富。呢度嘅三杯酢蠔味道調得啱啱好，令蠔肉食起嚟更加厚實肥美，一啖食完，真系好juicy！仲有唔可以錯過嘅牛舌芯，咬住滑嫩，仲有牛肉獨有嘅風味，口感100分！甜品croffle都好正！巧克力同榛果夾埋真系好夾。巧克力香濃嘅味道加上榛果獨有嘅口感，一啖咬落去，外脆內軟，又唔會太甜，真系好完美！至於strawberry parfait都好正！食住冰冰涼涼，層層分明，口感滑順，真系好啱食完正餐嚟一杯！今次嘅用餐體驗真系好開心，絕對系約會嘅好去處！

第一次幫襯，專登揀晚餐時間，因為呢間出名排隊勁多人，諗住就算企都唔洗又熱又曬，到時食都無心機啦！點知1830去到好彩只得一家四口在前一位，所以只等5分鐘左右就可以入座。牛舌芯雖然係用咗6-7成煮熟方式處理，柔韌度剛剛好，亦都入味，放點檸檬汁食都幾好，再搭配小小薯蓉一齊入口係一流嘅👍🏻。羊肉都香氣撲鼻，咬一口啖鮮嫩多汁，開心果醬同羊肉鮮美完美融合，令人胃口大開。就算唔食開羊既都可以一試！搭配上自家製薯蓉，口感綿密順滑，增添菜餚的豐富層次感。野菜的清爽口感，令人食得津津有味。滿滿一盤刺身份量十足，將刺身擺盤充滿心思，單睇賣相已經好吸引😍 七款時令刺身有三文魚﹑深海池魚﹑北海道帆立貝、赤蝦、鯖魚、海膽、真鯛。每款都好厚切，新鮮有光澤，鮮味十足💯Navy blue earl grey，茶味都甜甜地，上面有厚厚一層奶蓋，一齊飲好滑。Bleu bliss，特別點的特調🥰如果鍾意酒精味淡同清爽口感既建議點呢杯，淡淡香草香 奶味相對比酒味淡 同上一杯係兩種口感，可以慢慢嘆住飲總括呢間野食同環境都唔錯

同朋友去咗鰂魚涌嘅幸圓享受佢哋精緻嘅美食。餐廳環境舒適，非常適合悠閒咁品味美食。🤎海膽魚生他他多士🤎海膽鮮甜濃郁，配埋魚生他他同特製大熱醬，入口即化，味道十分鮮美。🧡雞卷🧡外皮金黃香脆，一啖咬落去，肉汁四溢，雞肉調味恰到好處，令人一試難忘。💛烤紐西蘭羊扒💛羊扒外層微焦，內裡軟嫩多汁，帶有淡淡嘅碳烤香氣，配埋開心果香草醬，增添咗香氣同清新嘅風味，口感層次豐富。❤️‍🔥燴牛尾鵝肝大通粉❤️‍🔥牛尾入味且柔軟，與濃郁嘅鵝肝醬汁交織出醇厚嘅口感，大通粉吸滿醬汁，每一啖都帶有滿滿嘅香氣。💚Kiwi Paradise💚用新鮮奇異果、蘋果汁同薄荷葉調製而成，酸甜清爽，非常解膩。💙Navy Blue Earl Grey💙伯爵茶嘅茶香同藍柑橘酒嘅果香交融，奶蓋上嘅奶油芝士帶嚟順滑嘅口感，整體口感十分輕盈。

服務態度好好，會主動過黎推薦食物同介紹同埋好好笑容很喜歡鐵板燒的用餐體驗，每當聽到肉類受熱時產生那股熱辣辣，吱吱聲 ， 聞起來非常誘人的肉香味 ， 簡直叫人口水直流。所以念起幸圓吃過的鐵板餐也是不錯的，午餐就來這邊店員提議我叫羊架， 因為今日羊架好肥美肉，我當然立即點頭示好。厚落單時店員亦會諮詢肉類要煮至幾多成熟。一個定食有：主食、小菜、當日湯個人較喜愛重口味的醬汁，羊架提供的開心果醬汁超級好吃，清爽去肥膩的蘋果味汁以及鹹中甜的開心果醬。羊架煮至七成熟 ， 加了少少鹽調味， 簡單的調味，香氣四溢。 啖啖肉的羊架非常有嚼勁 ， 肉汁豐富 ，口感嫩滑彈牙，羊羶味不太濃 ，熱辣辣更香口惹味，就算放涼了，肉質仍能保持軟嫩 。今日附送的湯味道清清地很解膩😘總括而言 ，仍保持質素，除真材實料外，員工的服務也是關鍵之一。店員服務態度一流，所以在客人與店員的言談間，不難發現一些回頭客的踪影。

北海道海膽魚生他他多士🍞海膽甘甜幼滑，食落好似雪糕咁絲滑，帶住濃郁嘅鮮香味，同綿滑嘅魚生完美融合👍🏼食落鮮味十足！配埋烘烤到外脆內鬆嘅多士，呢種酥脆嘅對比我真係好鐘意🥰俄羅斯黑安格斯肉眼扒🥩肉眼已經燒到外層焦香微脆，入面粉嫩多汁，切一啖落嚟，牛肉嘅肉汁同油脂交織，帶嚟入口即化嘅細膩口感🤤下面仲鋪滿薯蓉，吸晒牛扒嘅肉汁，令每一啖都帶住濃郁嘅牛肉香味🥹整體口感好和諧！時令刺身丼🐟呢個刺身丼將頂級嘅海鮮匯聚喺一碗，所有食材都非常新鮮而且層次分明，鮮豔嘅色澤真係令人忍唔住食指大動🙌三文魚油脂豐富、深海池魚肉質細膩同赤蝦肉質嫩滑仲帶住濃郁嘅甜蝦味，配埋微微醋香嘅壽司飯，令食材嘅鮮甜更加突出！Uji Matcha Croffle🍵🧇Croffle外皮金黃香脆，帶住淡淡嘅奶香味同鬆軟嘅口感，配埋抹茶微苦同甘甜交織嘅日式風味，係一道值得慢慢品味嘅精緻甜品🤩

老婆最近工作辛苦咗，就諗住帶佢去食餐好嘅，獎勵下佢。聽同事講呢間餐廳啲嘢食唔錯，仲有多國菜，一聽就令人好期待。我哋兩個都點咗定食。老婆叫嘅刺身丼真係好美味，食材新鮮十足，每一啖都入口即化！尤其係三文魚，食落好鮮美，完全冇腥味，令人好難忘！我都叫咗刺身定食，真係極品！一次可以試到好多種海鮮，而且仲新鮮無比，每一啖都充滿鮮味，正到爆！我哋仲試咗好幾樣幸圓嘅招牌，有蝦、雞卷、海膽多士。先講蝦，非常大隻，蝦肉厚實肥美，咬落好香甜，食到我哋連蝦殼都唔放過！雞卷就比較滑嫩，仲好多汁，一啖咬落，雞肉嘅香味瞬間爆開，爽！至於海膽多士都唔輸蝦同雞卷。三片多士嘅份量都好足，有鮮美嘅海膽同柔軟嘅魚生完美配搭，再加埋外皮酥脆嘅多士，口感豐富至極！除咗正餐，我哋仲叫咗唔同口味嘅parfait，分別係士多啤梨同朱古力嘅。兩款甜品都唔會太甜，仲搭配咗香濃嘅雪糕，食落真係好幸福！老婆食到讚唔絕口，下次仲要再嚟！

赤味噌牛腸鍋嘅湯底好濃郁，但唔會太咸，帶少少甘香味，牛腸煮到夠腍，食落有少少膠質感。配料有豆腐、蔬菜，煮耐少少吸晒湯底味道，食落好入味。湯底越煮越濃，用嚟涮肉或者煮海鮮都幾正😋霜降牛肉油脂分布平均，切得夠厚，輕輕涮幾下就啱啱熟，口感好嫩滑，唔會韌。比起一般薄切牛肉，呢款食落更實在，亦唔會覺得太肥膩，鍾意食牛嘅話值得試吓。廣島蠔夠大隻🦪，煮完仍然好嫩滑，入口帶少少鮮甜，完全冇腥味。帶子都唔細粒，口感厚實，煮耐少少都仲有彈性，一啖食落去好爽口。海鮮夠新鮮，唔需要額外調味已經好好食✨雞肉切成啱啱好嘅大小，肉質嫩滑，浸落湯底都幾入味，不過相對牛肉同海鮮嚟講，冇咁出色。如果鍾意食雞可以試吓，但個人覺得牛肉同海鮮更值得推薦🔥總括呢度湯底夠味但唔會太重口，食材新鮮，特別係牛肉同海鮮質素唔錯👍。環境舒服，幾適合同朋友一齊食火鍋！

公司老闆介紹我嚟呢間幸圓品嘗美食，呢度有好多好有創意嘅特色料理，尤其系融合多國特色創造出自己嘅風味，一次過帶埋屋企人嚟食晚餐。我鐘意呢度嘅擺設，非常特別，用餐環境亦都好放鬆。我試咗雜錦魚生丼，非常鮮美，裡面有各種海鮮組合，全都好新鮮，口味甘甜，健康又好食。非常有特色嘅烤羊扒配開心果香草醬，不止可以食到羊扒細膩嘅口感，仲可以品嘗到佢哋特製嘅開心果香草醬，微微甜中帶回甘，搭配羊扒真系一流。仲有口感好正嘅牛舌芯，佢哋特別處理過，味道香濃，肉質好嫩好滑。同時仲有八爪魚獨有嘅咀嚼享受，配埋特色蒜味味噌蛋黃醬，風味更加多元。飲品我哋分別叫咗Navy Blue Earl Grey同Royal Sunrise。伯爵茶嘅香濃真系好啱配佢哋嘅菜色，濃厚嘅茶香豐富咗食物嘅味道。Royal Sunrise就系好清涼舒爽，非常解熱，飲完好爽。食完嘅感想就系好正，下次一定會再嚟！

之前都來過覺得幾好味，今次帶家人來歎下下午茶食窩夫。位置都好方便，很容易找 ; 環境舒適，輕鬆悠閑過左一個下午 ~關東煮烏冬先講湯頭，清甜有淡淡魚的味道，食材吸收了湯頭的味道，味道層次十分豐富。蘿蔔本身已經多汁清甜無渣，煮至軟腍，咬下去，香氣爆發出來，吸了飽滿湯汁的蘿蔔就像喝了一口甜湯。 這家的福袋煮得剛剛好，外面的腐皮福袋負責吸收湯汁，帶來煙韌的口感。 白魚板是比較喜歡的食材之一，跟一般的魚餅不同，口感較「鬆泡泡」，味道亦比其他魚餅清淡，不過正正是這種淡淡然，跟關東煮的湯頭相輔相成。 帶子也是經典的關東煮食材，非常新鮮大粒，特別容易吸汁。而且裡邊還有我最愛的鵪鶉蛋，還有其他食材和烏冬口感十足，整頓吃起來超滿足😌宇治抹茶可頌窩夫配雪糕窩夫用上香而不膩嘅粉漿及牛油來製作，食起嚟外脆內軟，香氣撲鼻，帶啖啖濃郁嘅牛油味，可淋上抹茶醬，味道十分幽香，配搭香甜軟綿嘅紅豆蓉、麻糬以及雪糕，雪糕口感軟滑同清香，將雪糕與紅豆蓉放上窩夫一同品嚐，咁就更加豐富同吸引啦

唔講唔知呢度環境令人好放鬆，做完運動嚟呢度可以令身心都放鬆。我叫咗烤豚肋骨沙律配青蘋果青瓜油醋汁，仲附送咗前菜同湯，從外觀睇已經感覺到呢餐嘅身體負擔唔會好大，冇乜添加劑或者重口味嘅調料，全部都係非常原味。唔得唔讚佢哋嘅食材，每樣都非常新鮮，沙律同蘋果都係非常脆口，聖女果口味甘甜，仲有啲彈性，仲好多汁。烤豚肋骨肥油脂肪好少，全部都係肉，係蛋白質，經過燒烤烹飪，為豚肋骨增添咗啲風味，口味唔會單調，好香好滑。附帶嘅湯味道唔會重口味，口味非常適中，仲會回甘，配埋主食沙律嚟食，好開胃。冇諗到呢度嘅沙律可以咁好食，非常健康，價錢亦都非常公道，大家可以嚟試下。

朋友最近心情唔好，約咗我出嚟吹水食飯，話幸圓嘅嘢食又多又好食，就帶我嚟試吓！啱啱行入店入面，我就feel到特別溫馨嘅氣氛，呢度嘅裝修偏日式風格，燈光設計柔和，唔刺眼仲好舒服，我個人特別鍾意呢類型嘅裝修😘侍應服務態度好好，向我哋推介咗午餐套餐，日本鮮藍旗吞拿魚一番丼同A4一本和牛丼，我哋決定試吓，點知呢兩道菜都驚艷咗我哋！日本鮮藍旗吞拿魚一番丼包大拖、中拖同赤身！大拖係吞拿魚嘅肚臍部分，肉質最鮮美，入口即溶！中拖就係吞拿魚嘅中間部分，有適中嘅脂肪，口感一流🫰仲有我最鍾意嘅部分係赤身，肉質比較瘦，但係特別有彈性，咬落去特別爽，真係回味無窮😍仲有A4一本和牛丼有金黃色嘅蛋黃，未食到已經令人垂涎三尺，和牛鮮美多汁，配埋蛋黃之後更加滑溜可口，簡直係味蕾上嘅享受😋而且，同配菜一齊食更加香味無窮，特別爽口！！我哋兩個都食得好滿足，朋友都因為好食嘅嘢食心情比較愉快😆我哋都食得好開心🥳