勁餃笑

營業中

休息中

平時去開太子旺角嗰啲餃子店，通常都係老店，地下油立立，今次去到黃埔，比佢嘅裝修吸引，入到去地下超級乾淨，裝修亦都非常之日式，坐得很舒服。如果唔想喺屋企自己煮得咁辛苦，又想食得健康啲，咁食餃子做晚餐的確係一個好嘅選擇。這裏的套餐有好多配搭，我們先叫咗一個胡麻醬麵配牛腱粒，入面仲有青瓜絲，非常之日式。餃子隻隻都很大粒，就算是雙拼都不用加錢，仲有一啲特別嘅帶子餃子，食落去非常之彈牙。這裏的菜脯也是落單叫的，比起一般老店放晒出嚟枱面乾淨得多，而且也是免費的。辣得來，又非常之爽脆，粒粒菜脯都完整無缺，醃得很好味。小食方面，我們非常欣賞涼拌菠菜，平時食開菠菜，都會因為含有鐵質，所以入口質感比較澀，但是用了涼拌方法去整，完全去除這種澀口感。醉雞翼非常之入味，炆到連啲軟骨都可以食埋。飲品方面，值得一試，自家製羅漢果茶，食完辣嘅菜脯，都可以飲下涼茶解辣。醬汁有很多款，除咗一般餃子醋之外，仲有檸檬汁，可以試吓用這個取代醋，非常特別。