Hygge

營業中

休息中

因pizza慕名而來，點知嚟到心思思想試其他嘢。餐廳裝潢用實木，而且非常簡潔，好舒服。可能我算夜到，又平日，坐得好闊落，加分。叫左龍蝦墨魚意粉，好好食，食完唔口渴，靚料出品。再聽店員推介，叫左M7牛排，因身體關係，只可食全熟，廚師真係用心煮到全熟又唔「鞋」，仲keep到juicy口感。好功夫。芹菜薯蓉好有西芹味，真材實料，西芹fans必試。餐飲方面，叫左kiwi soda. 好多kiwi, 唔酸，亦冇過甜，啱啱好，如果有大杯裝就好啦（加錢都值）。搵間餐廳有個小插曲：餐廳入口要出左商場先可以去到，但果一刻好大雨，電話同店員確認商場通唔到餐廳入口，店員貼心地叫我哋喺最近餐廳嘅商場門口等佢，佢拎把遮接我哋，非常感謝！一定會encore,下次試pizza. 年輕人，要好好經營間餐廳，保持食物水準，保持個咁舒服嘅環境。