Hygge

第一次寫評 因為實在不滿職員態度不好 店內信號極差卻沒有外借wifi服務的cafe不過食物/咖啡還算可以有點失望 cause full day breakfast 只有半年供應…查看更多

出餐遲又要人食得快，係咁趕人走，大佬你已經收得唔平，早知食到成肚氣，開車出中環食好過，佢哋係唔係以為將軍澳真係唔佢一間餐廳，如果租貴想返多啲枱不如諗吓搵過大少少地方開鋪，枱少又收得貴想賺到盡! Pizza 係做到意大利 Napoli Pizza 但餅邊太闊只有30%係餡，完全慳皮！…查看更多

見呢間餐廳咁出名，放工就同同事一齊去試下。餐廳環境好舒服，裝潢簡約有品味，音樂柔和唔嘈，好適合放鬆傾偈。我哋四個人叫咗沙律、單骨雞翼、普旺斯燉菜、pizza同薯仔丸子，每款都好有驚喜！沙律新鮮清爽，雞翼香口惹味，燉菜味道濃郁，薯仔丸子外脆內軟。最驚喜係個pizza，連我平時唔太鍾意食pizza都覺得好食，餅底薄脆、餡料豐富。整體感覺好好，食物水準高，環境舒服，服務又有禮，絕對係放工聚餐或朋友聚會嘅好選擇！…查看更多

喺連鎖店林立嘅將軍澳，要搵一間小店並唔容易，所以經常為食乜嘢而煩惱🤔今次都係咁啱路過天晉附近嘅hygge，於是就入去試試！入到去嗰一刻就比北歐風格簡約而溫暖嘅裝修包圍着，頓時心情變得輕鬆，咁啱被編排嘅位置更有一隻鴨仔擺設陪住一齊食飯🫶🏻-✨水牛城雞翼配自家製藍芝士醬 $118水牛城雞翼一如既往香香辣辣開胃，配搭藍芝士醬又好似真係未見過，反而中和咗個辣味，但更加鹹香！即使唔係好食藍芝士嘅人都唔會話好難接受，值得一試👍✨慢煮羊肉醬寬條麵 $208其實比起叫寬條麵，好似叫返做粗管粉會比較貼切🤣意粉經常係望落好似好少，但配搭埋配料就會好飽嘅一個主食！羊肉醬肉味香濃，一絲絲嘅羊肉同醬汁注滿粗管粉內，粗管粉亦夠彈牙，所以食落好滿足🥰✨意式風乾豬面頰薄餅 $178呢個10吋嘅薄餅絕對兩個人好夠食！三道餸入面呢個薄餅更睇得出店家對出品嘅堅持，佢哋都有喺Menu上詳細解釋佢嘅麵團發酵工藝，以及採用嘅麵粉類型，十分一絲不苟！批底平均較薄但披邊較厚，比例恰到好處，批邊焦香得嚟鬆軟又煙韌，如果平時鍾意食sourdough pizza 嘅朋友一定要試吓！豬面頰充滿油香，但唔會過咸，而配料當中更加有雅枝竹同埋火箭菜，令整體味道更加平均！雖然今餐係滿滿澱粉嘅一餐，但身心都好滿足😝-📕key takeaways 推薦度：⭐️⭐️⭐️⭐️/5人均消費：$200-$300🌸ごちそうさまでした✨-…查看更多

員工態度極差（特別係一個矮小嘅女仔），用餐時間個半鐘7個人係唔make sense，兩個小朋友都一定要叫一人一碟嘢食都算，最後食又食唔完，趕人走要我哋叫外賣拎走都唔緊要，講好沙律無分汁最後話其實唔建議呢樣個樣多多藉口唔肯重做，其實餐飯幾好食都唔會再幫襯。…查看更多