癡膠雞 (軒尼詩道)

營業中

休息中

天氣凍成日好想食熱嘢，打邊爐就最好，但係唔係成日有咁多時間慢慢嘆邊爐。呢間嘅米線有火爐㷫住，可以暖笠笠食個快飯。招牌花膠雞米線 $68湯底奶白色幾濃郁，配料豐富，有3-4塊花膠，滿滿骨膠原。雞件雖然唔係髀位，但係都唔會好嚡，幾有雞味。雞，米線有火爐keep住熱辣辣吸湯汁，香濃軟滑有咬口。藥膳黃酒花膠雞薯粉 $68一上枱已經聞到當歸果隻藥材味，飲一啖湯有淡淡酒香，藥材味恰到好處，仲有啲紅棗香味，好滋補嘅感覺。爐一邊㷫熱一邊食薯粉，湯汁越嚟越濃，薯粉入晒味。花膠同樣有4塊左右，雞髀加$10就有，睇個樣好吸引，雞肉好嫩滑，肉質鮮嫩又唔會霉。雲耳豬肚$38豬肚爽口，唔會硬，有咬口得來唔會𡁻橡筋，麻辣醬汁辣度適中，好惹味，配上雲耳好爽口。明太子釀豆腐雞翼 $20/隻雞翼皮炸得好香，一口咬下先係嫩滑嘅雞肉，然後裏面釀咗滿滿嘅明太子，少少惹味嘅辣，沾上少少沙律醬一齊食更加滋味。