銘興山西刀削麵 (和豐行)

營業中

休息中

呢個同屋企人去咗旺角食dinner，我哋見到開咗一間新嘅餐廳，係食山西刀削麵，見到好多人排隊，所以我哋都去試吓。打開餐牌，見到啲嘢食好抵食。呢度仲有免費任食嘅醃蘿蔔，酸酸脆脆，好開胃。我哋點咗好多嘢食，首先係呢個熱拌豬軟骨刀削麵，豬軟骨肉質好軟腍，連埋啲醬撈埋刀削麵一齊食好正。另外仲點咗溫泉蛋木耳刀削麵套餐，呢個餐可以自選一個菜，我哋加點咗多一個菜，點咗豬大腸同埋鮮牛肉，好豐富。呢度啲嘢咁抵食，我哋點咗好多小食，分別係涼拌皮蛋、涼拌豬耳同埋蒜泥牛展，全部都好高質。