彩羽壽司家 (已改名) 查看

今次我哋嚟到一間以日本高級餐廳為靈感嘅食肆，裝修精緻，氣氛舒適。適合為平淡嘅日常加添儀式感🩷除左Omakase，仲有多款套餐，入門價位真係好吸引，適合唔同嘅顧客🤤我哋選擇咗壽司5件加迷你烏冬套餐，裡面有三文魚、油甘魚、墨魚、拖羅蓉軍艦同埋火炙口魚壽司，特別係搭配吓熱騰騰嘅烏冬😚都幾滿足🥰今次我哋仲點咗 蒼Omakase，第一道沙津就已經令人驚喜，果醋嘅香味撲鼻而來，食咗真係好開胃。接住嚟嘅茶碗蒸，熱辣辣嘅，蛋香滑口，仲帶有海鮮嘅鮮味🥰接下來嘅刺身四款，真鯛刺身清新可口，配上梅子果肉，令味道更加豐富。而大分縣嘅蠔真係肥美無比，加上特製醬油，鮮甜。煙燻富士山三文魚上枱時，用煙霧化成氣球，煙燻味道直瀉而下，視覺同味覺嘅雙重享受，勁有驚喜😍壽司方面，瀨尿蝦配蛋黃粉，味道完美，蛋黃粉嘅香滑同瀨尿蝦嘅鮮味好夾。而鰈魚裙邊經過火炙後，油香四溢，入口即溶😚貝柱同海膽軍艦都係鮮味到不得了🤤我哋升級咗彩羽太卷，色彩繽紛，材料豐富入面有蛋黃，海膽，拖羅等😍師傅叫我地一啖食哂，食完之後真係勁滿足😚仲有玉子燒、麵豉湯同草莓刨冰做甜品，好正🤩見到師傅係面前做手握壽司同料理😍甜品時間，仲見到師傅整刨冰好正😍