Vision 8

去到荃灣搵D未食過既野, 所以就試下呢間啦, 2個人, 我地早去, 唔使等位, 入面裝修都唔錯。<周打蜆湯>好好味, 湯入面仲有好多蜆肉, 奶油味岩岩好, 飲完唔會滯, 配埋熱辣辣既全麥餐包, 冇得彈。<香煎蟹餅伴沙律配油醋汁>蟹餅皮煎得香脆, 而且好薄, 入口外脆內軟, 蟹味十足, 配埋醋汁酸酸地, 非常開胃, 要提既係旁邊既啫喱粒係用紅酒整既, 好特別。<洋蔥煙肉芝士焗薯皮>口感好似食緊pizza, 薯仔皮都焗到好香, 份量好足夠。<燒美國肉眼扒拼大虎蝦>主菜真係唔講得笑, 肉眼扒勁厚, 燒得充滿肉汁, 加埋旁邊紅酒汁真係好好味, 虎蝦新鮮彈牙, 食完好滿足。如果餐廳唔係係荃灣, 一定唔止呢個價, 而且每次食完一道菜waiter都會換碟, 唔會有上一道菜汁影響下一道菜, 呢個真係要讚下。