影片
更多
2022-08-31
529 瀏覽
去到西營盤當然就會諗起第一街、第二街、第三街同埋高街，除左夠晒斜之外，果度仲好出名多野食。今次我地由地鐵站C出口一出轉右一落扶手梯，就見到一間叫『川之源』嘅餐廳。由出面望入去都好光猛同乾淨，又有d四川風味嘅特色，今晚就決定係呢間醫肚啦! 雖然我地只係得2個人，但侍應都好貼心咁安排4人座位比我地坐，等我地坐得舒服d。一坐低，侍應就即刻拎左一大壺熱既玄米茶比我地，可以唔駛經常叫人加水，方便我地一路食一路傾！ 呢度用嘅碗碟同杯都有專登揀過，配合番川菜風味，唔錯!呢間川菜都真係好多野食，有辣有唔辣、魚、豬、牛、羊、雞、香鍋都有，即使你叫蕃茄魚都好，你都可以選擇加辣 (小、中、大、超)，適合唔同辣度嘅人士一齊食!👉🏻招牌菜 – 酸菜魚 (+20轉薯粉) 一黎到有d嚇親，勁大碗!! 入面有超多魚肉，4個人食都仲得，粗略估計起碼30塊，仲要每一塊都cm厚，啖啖肉! 魚肉冇泥味，唔會一夾就散，至於薯粉好滑又有厚度，有咬口，建議+20轉呢! 另外，呢煲酸菜魚雖然冇出面咁有豆芽、金菇等等既配菜，但個湯底加左大頭菜、蒜片同大量酸菜，所以一食入口個味道層次好複雜，先黎係一口衝勁性嘅酸味，之後會有陣陣既魚湯味，
雖然我地只係得2個人，但侍應都好貼心咁安排4人座位比我地坐，等我地坐得舒服d。一坐低，侍應就即刻拎左一大壺熱既玄米茶比我地，可以唔駛經常叫人加水，方便我地一路食一路傾！
呢度用嘅碗碟同杯都有專登揀過，配合番川菜風味，唔錯!
呢間川菜都真係好多野食，有辣有唔辣、魚、豬、牛、羊、雞、香鍋都有，即使你叫蕃茄魚都好，你都可以選擇加辣 (小、中、大、超)，適合唔同辣度嘅人士一齊食!
👉🏻招牌菜 – 酸菜魚 (+20轉薯粉)
一黎到有d嚇親，勁大碗!! 入面有超多魚肉，4個人食都仲得，粗略估計起碼30塊，仲要每一塊都cm厚，啖啖肉! 魚肉冇泥味，唔會一夾就散，至於薯粉好滑又有厚度，有咬口，建議+20轉呢! 另外，呢煲酸菜魚雖然冇出面咁有豆芽、金菇等等既配菜，但個湯底加左大頭菜、蒜片同大量酸菜，所以一食入口個味道層次好複雜，先黎係一口衝勁性嘅酸味，之後會有陣陣既魚湯味，最後仲有暖身嘅胡椒味，好好飲呢!
👉🏻四川涼麵
我地留意到，每一枱客都係叫呢間個涼麵，好受客人嘅歡迎，心諗會有咩特別呢? 特別就係在於佢嘅麵質，佢唔係一般嘅冷麵，麵質爽身，好吸味，食落唔會好油膩，夏天食真係一流。至於個汁主打係黑醋，但唔會搶左個辣味，又唔會令個辣味太重太油，好清爽嘅一道涼麵
👉🏻家鄉餃子(小辣)
一碗餃子有8隻，隻隻都好大粒飽滿，餃子皮都好薄。一咬落去好強烈嘅韭菜味就湧入口中，都唔錯!
👉🏻桂花冰粉
食完辣野最好就係食一碗冰粉解辣，雪到凍冰冰，冰甜加上桂花香，配埋滑嫩嘅冰粉，為呢一餐野作左一個美好嘅總結!
張貼
