正九清湯腩 (常安樓)

營業中

休息中

和老婆係油麻地行街，行行下經過一間粉麵店“正九清湯腩”，老婆話呢間店係旺角有分店，佢食過覺得幾好食😋，於是我提意係度食埋晚飯先返屋企😆。店鋪裝修企理，座位闊落🥰。餐牌食物選擇貴精不貴多，價錢亦實惠🤭。清湯牛三寶河 $62🐂三寶有牛腩、牛肚及牛筋，全部都炆得軟腍入味，味道清清地又帶淡淡的牛味🐂，河粉滑溜唔易斷👍。崩沙腩麵 $58(加雲吞+$8)崩沙腩份量幾多，同樣炆得軟腍入味，腩的筋膜帶油脂香，口感又爽又腍滑😍。雲吞大大粒，皮薄餡料飽滿，菜肉大約7：3比例，味道幾好😋。麵煮得啱啱好，份量亦多🤗。炸魚皮 $20外層炸粉非常薄，魚皮🐟炸得十分香脆，即食勁脆，點湯食同樣好味😋。總括而言，價錢實惠，服務真心勤快有禮，崩沙腩值得回頭再試。