田記魚蛋牛腩專門店 (塘尾道) (裝修中)

好耐之前食過一次，記得佢個崩沙牛腩係好好食，今日又黎重溫下。✨崩沙牛腩飯：呢個崩沙腩真係好好食，必食推介。d 肉好軟腍邊位又有d 爽，而且牛味好濃。 份量都幾多有七，八件而且有番咁上下厚度。個底仲有白蘿蔔索左汁仲正，湯汁夠多用黎撈埋飯啱晒，另外仲會送紫菜湯。✨淨雲吞： 蝦肉爽口彈牙，有胡椒香味，仲搭左d 生菜，顏色夠翠綠。✨魚三寶河粉: 有魚片頭，白魚蛋同埋魚餃，味道唔錯，份量足。✨湯蘿蔔：腍甜爽口，大大碗，其實每碗野都會有d 蘿白，不過好食又唔嫌多。