Chill Vietnam Cuisine and Bar

營業中

休息中

外面望入去已感受到越南的氛圍，騰嘅燈飾、滕嘅座椅和乾花，聽住越南歌曲更感寫意。任飲嘅氣泡水，冰凍加有汽，夏天必飲。小食拼盤(墨魚餅、春卷、扎肉、蒸粉卷)以我最鍾意材料豐富嘅蒸粉卷，香菇沙葛好味又清爽。春卷炸得鬆脆亦唔會油膩。椰汁叻沙葉燴青口伴炸油條油炸鬼掛在係金色架上，好貼心比埋鉸剪✂️你剪開，將油炸鬼沾上椰汁叻沙另有一番風味，青口夠大隻，入口鮮嫩肉厚。峴港鮮蟹肉炒飯炒飯送上枱重係出煙，香氣撲鼻，滿滿蟹肉蟹膏，食到蟹肉嘅鮮味，飯粒炒得夠乾爽，乾蒜、蝦米增加口感好豐富。越式芋圓椰汁凍Q彈椰汁凍兔兔放在浴缸入面！椰香味濃郁，配搭軟糯的芋圓、士多啤梨、西米，賣相可愛又好食。