Chill Vietnam Cuisine and Bar

營業中

休息中

今日下班帶爸爸來荔枝角D2吃越南菜。這間越南餐廳人頭湧湧，環境裝修得十分精緻，又有氣氛，燈光光猛，而且很有格調，非常舒適。坐下之後看看餐牌，有不同的越南食物，又有小食、撈檬、炒粉麵、炒飯、一些地道的越南主食，令人花多眼亂。首先，嘆返杯清澈蒸餾水～之後個煮食都相當美味，古法香葉燒春雞半隻，燒雞放在鐵板上，上面仲有大量香葉拌碟，香葉味又香又濃，而且相當清新，伴隨着烤雞香氣，香草能大大減去烤春雞的油膩感，帶點清新之感覺。烤春雞的肉質又嫩滑又美味，熱辣辣的，令人忍不住一啖又一啖的吃下去。拌上了香草真的十分特別，夠曬地道！喜歡吃雞的朋友可以試試，必定回味！蝦膏海鮮炒河粉，份量充足，大大碟香氣四溢！河粉相當入味，蝦味香濃，而且河粉爽口彈牙炒得又乾身。正。而且配料都十分多，有爽口彈牙的蝦、魚塊、豆腐等等，每一啖河粉都伴隨着不同的配料， 十分滿足。食飽飽當然少不了吃甜品，越式芋圓椰汁凍，賣相十分精緻，有隻小動物坐在浴缸上十分可愛，打卡一流。除了啱晒打卡之外，甜品都相當美味的，Q彈的椰汁凍糕，香甜彈牙，椰汁味清新香濃～仲配有大量不同的配料，有煙靭無比彈牙的芋圓、軟綿綿甜入心的紅豆、脆卜卜粟米片、細細粒好

餐廳的裝修環境舒適優雅，輕快的越南流行曲在耳邊迴盪，微黃的燈光透出柔和的氛圍，令人放鬆。📌優質有氣水一坐下，首先點了無限添飲的有氣水，微酸加上清涼的口感，讓熱焫焫的我馬上降溫。📌會安鮮雞湯檬粉無論是檬粉還是雞絲，都份量十足。清湯配菜有炸蒜、芽菜、洋蔥、青蔥、芫荽及越式湯粉不能或缺的金不換，讓湯底更加惹味。帶皮的雞肉，散發著濃郁的雞油香，充分汲入清湯的檬粉入口順滑。📌越式芝士咖喱農夫包半溶的芝士覆蓋着麪包面，包內填滿浸泡在香濃咖喱汁的牛柳片和薯仔，份量絕不欺場。農夫包外脆內軟，切開時，酥脆聲令人振奮，入口則鬆化可口。咖哩香滑而辣度適中，牛柳肉質軟嫩一咬即開，無怪乎這道主菜是這店家一眾食客的熱門選擇，果然沒讓人失望。📌越式芋圓椰汁凍當侍應端上這道甜品的一刻，真是太驚喜了，可謂今晚的亮點😃！一糰滑嘟嘟公仔造型的椰汁奶凍端坐在粉紅色浴缸🛁樣的器皿中，忙不迭瘋狂打卡一番，才仔細一看，趣緻的椰汁寶寶正沐浴在色彩繽紛的紫薯圓、芋頭圓、地瓜圓、西米、紅豆、芒果粒及脆脆片中，視覺與豐富味覺的雙重享受。值得一讚的是侍應非常有禮，讓客人感覺親切。此外，餐廳是寵物友善餐廳，歡迎各位毛爸毛媽帶埋毛孩🐶🐱一起來享

D2 Place呢個文青集中地又多間好嘢食！今次試咗呢間「Chill Vietnam Cuisine and Bar」，環境真係幾chill，最正係still同sparkling water免費任飲（仲要係有氣嘅perrier！），啱晒我呢啲成日飲水怪。 1. 越式香葉燒烏頭（$158）成條烏頭上枱超有氣勢！魚皮燒到脆卜卜，用香茅同香葉塞滿魚肚，夾開魚肉超juicy又冇泥味。最驚喜係跟咗個酸辣汁，點少少已經帶出魚嘅鮮甜，兩個人share啱啱好。 2. 香葉辣椒膏豬頸肉炒河粉（$98）呢個真心推介！鑊氣十足，河粉炒到條條分明，豬頸肉厚切又彈牙，個辣椒膏醬辣得嚟帶少少甜，仲有金不換嘅香氣，食到停唔到口。怕辣嘅朋友可能要叫少辣，但我覺得呢個辣度先過癮！ 3. 越式芋圓椰汁冰（$58）食完辣嘢一定要嗌返杯凍嘢！椰汁冰超濃郁，面頭鋪滿彩色芋圓同仙草，芋圓咬落煙韌有咬口，甜度剛剛好，成個組合好解辣。 ✅整體評價：環境舒服得嚟唔會太嘈，員工好有禮貌。食物份量足，特別係個炒河粉真係有驚喜。免費氣泡水呢個加分位真係好抵讚，下次想試埋佢個生牛肉河同芒果糯米飯！ 📍 Chill Vietnam C

原先book咗佢哋餐廳，跟住去到佢話用餐時間只有45分鐘。。。。😂 一個鐘都無，但又無係預訂個到寫明，好在可以取消預約🙂‍↔️大家考慮一下係咪要食得咁趕再黎😂 荔枝角仲有好多選擇👍🏻👍🏻

平日夜晚3個人黎。估唔到咁多人。然後先知原來冇耐前電視介紹過佢。唔怪得。3人坐2人圓檯，好彩張檯唔係好細。都可以接受。檯距都有啲窄。蒸粉包：Ok. 幾大舊，但皮厚，料都ok 多。春卷：比較幼，但炸得幾好，生菜新鮮程度可接受。串燒：幾大串。燒得唔錯。雞好食過豬，豬比較肥。沙嗲醬可以但唔夠香。燒烏頭：有啲失望因為雖然肉滑，但唔香，味亦唔夠。蟹肉海鮮炒飯：呢個最好食。好香同都多蟹肉。服務普通。水要嗌先出現/斟。不過是日係爆場嘅。總結：呢個價位覺得都OK啦。

琴晚去咗D2 place一間越式Fusion餐廳，平日夜晚都好旺場，差唔多坐滿晒人😲越式芝士咖喱農夫包｜豬頸肉 $168好香濃嘅咖喱味，帶少少辣🤏🏻 大大塊芝士舖面😍 外皮好脆，配埋個咖喱汁 好正👍🏻 牛板腱火車頭雜錦牛河 $98湯底甜甜地 有好多配料有牛丸、牛柏葉、牛腱、牛板腱，材料好足，河粉吸晒湯汁 份量都幾大份🤤越式芋圓椰汁凍 $68個樣好得意，真係有隻兔仔坐喺浴缸度咁🤣 食落都唔錯🤤仲有紅豆、芋圓、西米同其他配料😍

今日公司要去到荔枝角開會，於是開完會就決定同同事一齊食埋飯先返屋企，朋友就話不如你附近嘅一間越南餐廳，喺D2 Place嗰度，都坐得好舒服，佢一講我就知佢意思係呢間，原來我哋兩個之前都嚟過，都覺得好滿意，所以一致認同要再嚟食多次！而家已經開始感受到香港炎炎夏日，所以一坐低就即刻叫咗sparkling Water，今次食嘅嘢都相當好味，首先要咗一個越式香葉燒烏頭，肉質較實，但係其實都好嫩滑，而且好鮮甜，最主要就係我好鍾意佢夠多香茅，好有越式風情！另外都叫咗一個牛板腱火車頭雜錦牛河，湯底幾清甜，牛板腱肉質唔錯，一啲都唔鞋，更加有牛丸同牛柏葉，真係好豐富。甜品方面就叫咗個越式芋圓椰汁凍，芋圓都係心形，勁得意，個椰汁凍係真係會彈吓彈吓，無敵可愛！

今日約左朋友去睇戲，睇戲前係D2 place搵食，最後揀左依間新派越南菜。我地叫了香葉辣椒膏豬頸肉炒河，河粉好有穫氣，豬頸肉爽脆而且非常大片，香葉同埋辣椒嘅味道好香，好惹味又唔會太辣。古法香葉燒春雞半隻，春雞用鐵板上，鐵板好夠熱，去到最後都仍能保持溫度。春雞下面有大量香葉，香葉味非常濃郁，春雞切落去好多汁，肉質好嫩滑。越式芋圓椰汁凍，造型非常特別，隻小白兔係浴缸入面騰騰震，椰汁糕唔會太甜，清香椰子味，配料非常充足，有士多啤梨，紅豆，芋圓，脆脆片，夾埋一齊食味道好夾。依間餐廳好特別，水都竟然有兩款選擇，我地要左有氣水，好清新，最後成支水都飲曬。

今晚專程嚟到荔枝角 D2 Place ONE三樓嘅Chill Vietnam Cuisine and Bar….一入門口就被藤編吊燈同綠植牆驚艷到….🐾 越式芝士咖喱牛柳農夫包 🥖半溶芝士覆蓋農夫包表面….農夫包非常酥脆…..入面填滿浸泡係咖喱汁嘅厚切牛柳同薯仔….牛柳燉得軟嫩入味…. 農夫包直接撕開送咖喱都令人停唔到口….😋😋🐾 蝦膏海鮮炒河粉 河粉乾身不油膩…蝦膏鹹香….海鮮配料新鮮豐富….有魚…八爪魚…蝦…🐾 越式芋圓椰汁凍 🛁椰汁奶懶洋洋咁瞓喺浴缸中….周圍鋪滿紫薯圓、芋圓、芒果粒、西米同脆米….可愛到唔捨得食！

今日去D2 Place行街，經過見到一間好有特色嘅越南餐廳，裏面環境十分寬敞舒適。椰汁喇沙燴青口半炸油條$148油條大大條，青口同忌廉汁好惹味，青口的肉很大粒，將油條剪落嚟點落忌廉汁好好味！蝦膏海鮮炒河粉$108 蝦膏味很濃郁，河粉偏軟身，裏面有很多海鮮包括蝦蟹柳以及元貝越式芋圓椰汁凍$68是一個兔仔形狀嘅椰汁都賣相10分可愛，味道很濃椰汁味，芋圓口感煙靭以及很重芋頭和番薯味Sparking Water $10有氣水好夏天一流！Chill Vietnam Cuisine and Bar (荔枝角)荔枝角長義街9號D2 Place ONE 3樓301號舖

D2 place好多文青小店 好好行而且餐廳都好多選擇完全可以喺度消磨一日今日揀嘅呢間越南菜我覺得好食過越南本土嘅越南菜好多!而且菜式都好新派好味之餘好有新鮮感而且熱食上枱熱辣辣!🍽️蝦膏海鮮炒河粉尤其係呢個蝦膏海鮮炒河粉熱嘅河粉真係風味倍增同埋蝦膏搭河粉呢個組合好新鮮河粉索哂蝦膏嘅天然海鮮鹹香味微微焦香又唔會過油我地非常快手就清咗呢碟🍽️椰汁叻沙葉燴青口伴炸油條之後嘅呢個青口伴油條又係好有特色多數食青口都係西班牙菜醬汁會係白酒橄欖油或者蕃茄之類配多士而呢個青口就係好有越式風味嘅椰汁叻沙葉配嘅居然係油炸鬼而個油炸鬼又係啱啱炸出唻咁熱辣辣雖然油炸鬼係樣好熟悉嘅食材但係喺香港本地嘅粥鋪都未食過呢種熱度嘅油炸鬼油炸鬼呢款外脆內空嘅包好似仲比多士更適合配醬汁類菜式椰汁叻沙醬汁好濃郁帶，但係整體又唔會膩可能係因為加咗叻沙葉青口都醬汁嘅份量都好慷慨好想嗌多個白飯撈汁🍽️越式芋圓椰汁凍我係因為呢款甜品嘅外形震騰騰咁好討喜而嗌嘅但係!食落佢嘅配搭真係好豐富之餘又好夾!甜味嘅椰汁果凍好綿滑而芋圓就好彈牙之後又有芒果同士多啤梨甜中帶酸加埋脆片真係口感好有層次!

<新派高質越南菜😋>同蕃薯老豆二人世界，來到荔枝角D2 Place 食越南野。餐廳環境舒適，燈光柔和，適合放工去嘆下休息下。另外一讚的係待應好細心，送餐時自己發現左其他同事冇提供飲管，態度幾好👍🏻點了一個二人套餐，價錢$468，包括一款前菜、兩款主菜、是日甜品及兩杯飲品。🍠香蒜魚露炒鴨舌濃味愛好者會喜歡，鴨舌會炒得比較乾身，配上乾蔥頭及蒜頭好惹味，但覺得比較咸左少少🤏🏻🍠豬頸肉芝士咖喱配農夫包賣相好吸引，啱曬打卡💛 揭開芝上飄來滿滿的咖喱香，好濃好入味，配上脆卜卜的農夫包，好滋味！🍠香葉辣椒膏豬頸肉炒河炒河較為失色，味道偏咸，但豬頸肉夠爽脆飲品方面都幾多選擇，連Cocktails 同Mocktails都包。🍠自選奶昔 （荔枝、桃、火龍果）比想像中出色，有滿滿荔枝味，夠refreshing，中和食物的咸味🍠Red Velvet 一杯Mocktail包含 Dragon fruit,mango ,coconut water。 個人就不太喜歡，有少少過甜，甜得有少少似藥水。📍Chill Vietnam Cuisine and Bar荔枝角D2 Place ONE 3樓301號鋪

預早喺OpenRice訂咗星期六18:00 3位，當日我哋準時去到即刻入座，3個人座一張小圓枱，枱面比較細，只可放兩碟食物。我哋叫咗個2人餐$448，揀咗越式小食拼盤、豬頸肉芝士咖哩農夫包、硯港蟹肉炒飯、包兩客甜品（1份香芋西米糕，另1份+$38轉咗越式芋圓椰汁凍）及兩杯飲品（可選餐牌內任何飲品，除啤酒外），我哋再加咗個軟殼蟹牛油果米紙卷$108。小食拼盤和米紙卷味道一般；蟹肉炒飯好味，蟹肉份量足又有口感，而且碟頭大；咖哩農夫包超鹹，入面啲豬頸肉薄片醃到冇晒口感；椰汁凍好好味又唔會好甜，賣相都好可愛；餐牌內飲品選擇多，可按個人喜好選擇。

❙ 椰汁喇沙葉燴青口伴炸油條 ❙ 太搶fo喇🤩熱焫焫既油炸鬼又香又脆仲要被倒吊然係被剪🤣諗起滿清十大酷刑青口份量慷慨 汁醬有啲似忌廉汁剪好一舊舊既油炸鬼蘸滿汁醬出奇地又幾夾 少少似食緊法包😂成件事好似fusion左🤪 ❙ 會安鮮雞湯河 ❙ 湯頭清澈得黎充滿鮮味 雞件已去骨 連帶少少皮 縱使雞胸位都好夠嫩滑👍🏻份量亦好多 我地都覺得好食🤤 ❙ 越式芋圓椰汁凍 ❙ 造型滿分！！我見到都想浸浴🤣🤣🛁椰汁凍幾實淨 又夠滑溜 扭來扭去都唔爛🤪清甜既椰汁香 食落唔會膩仲有啲芋圓呀 脆片呀 芒果呀撈埋食 口感好豐富作為呢餐既結尾😝滿足ed

交通方便 位於荔枝角 D2 Place 的 #越南餐廳環境優美 感覺很舒服 侍應有禮貌✅香葉辣椒膏豬頸肉炒河 $98香辣惹味 豬頸肉爽口嫩滑厚切大大片 還有很多片 足料 讚讚 ✅越式芝士咖哩農夫包 軟殼蟹 $168我最喜歡就是吃軟殼蟹今天又可以吃了 真開心軟殼蟹炸到外脆內軟索曬咖哩汁 yummy yummy咖哩很香 不是太辣 是我喜歡的辣度農夫包焗得很鬆脆 沾上咖哩汁 太好吃了✅越式芋圓椰汁凍 $68#打卡必點 超可愛盛載器皿是一個小小浴缸 裡面是 小寵物造型 的椰汁凍還會震動哦 😍😍 超超超萌 很自癒配上西米 芒果 紅豆 脆脆 士多啤梨 煙韌芋圓 口感賣相一流 ✅還提供大大瓶 Still / Sparkling Water