影片
港鐵荔枝角站 D2 出口, 步行約2分鐘
繼續閱讀
電話號碼
28588606
65362686
開飯介紹
主打法越fusion菜及創意雞尾酒，擺盤精緻，定價合理；餐廳裝潢融合不少藤製品，其清新風格予人舒適恬靜的感覺。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
🇻🇳Chill Vietnam Cuisine and Bar位於荔枝角D2 Place，主打創意越南Fusion菜，份量十足，服務細緻貼心。室內空間以藤編元素為設計主調，搭配清新花藝點綴，營造出自然愜意的小清新氛圍，特別適合與好友聚餐🌾🍗萊州古法香葉燒春雞半隻 (Hk$128) 香氣濃郁帶香葉的清新草本芬芳，雞肉鮮嫩多汁，外皮微焦酥脆，醇厚而不膩🦀峴港鮮蟹肉炒飯 (Hk$118)份量夠2人分享，鑊氣十足，蟹肉鮮甜，米飯粒粒分明，伴以蛋絲和蔥花，口感豐富🍮越式芋圓椰汁凍 (Hk$68)椰香濃郁，芋圓煙韌，搭配仙草和紅豆，甜而不膩，造型可愛適合打卡🍶Still / Sparkling Water任飲(Hk$5/位)(All subject to 10% service charge) 📍Chill Vietnam Cuisine and Bar荔枝角長義街9號D2 Place ONE 3樓301號舖（港鐵荔枝角站 D2 出口, 步行約2分鐘）
繼續閱讀
D2 Place呢個文青集中地又多間好嘢食！今次試咗呢間「Chill Vietnam Cuisine and Bar」，環境真係幾chill，最正係still同sparkling water免費任飲（仲要係有氣嘅perrier！），啱晒我呢啲成日飲水怪。 1. 越式香葉燒烏頭（$158）成條烏頭上枱超有氣勢！魚皮燒到脆卜卜，用香茅同香葉塞滿魚肚，夾開魚肉超juicy又冇泥味。最驚喜係跟咗個酸辣汁，點少少已經帶出魚嘅鮮甜，兩個人share啱啱好。 2. 香葉辣椒膏豬頸肉炒河粉（$98）呢個真心推介！鑊氣十足，河粉炒到條條分明，豬頸肉厚切又彈牙，個辣椒膏醬辣得嚟帶少少甜，仲有金不換嘅香氣，食到停唔到口。怕辣嘅朋友可能要叫少辣，但我覺得呢個辣度先過癮！ 3. 越式芋圓椰汁冰（$58）食完辣嘢一定要嗌返杯凍嘢！椰汁冰超濃郁，面頭鋪滿彩色芋圓同仙草，芋圓咬落煙韌有咬口，甜度剛剛好，成個組合好解辣。 ✅整體評價：環境舒服得嚟唔會太嘈，員工好有禮貌。食物份量足，特別係個炒河粉真係有驚喜。免費氣泡水呢個加分位真係好抵讚，下次想試埋佢個生牛肉河同芒果糯米飯！ 📍 Chill Vietnam Cuisine and Bar荔枝角長義街9號D2 Place一期3樓301號舖 （荔枝角站D2出口行3分鐘） 人均消費：$150-$200 溫馨提示：晚市幾多人，建議早少少去或者訂位呀！
繼續閱讀
今日下班帶爸爸來荔枝角D2吃越南菜。這間越南餐廳人頭湧湧，環境裝修得十分精緻，又有氣氛，燈光光猛，而且很有格調，非常舒適。坐下之後看看餐牌，有不同的越南食物，又有小食、撈檬、炒粉麵、炒飯、一些地道的越南主食，令人花多眼亂。首先，嘆返杯清澈蒸餾水～之後個煮食都相當美味，古法香葉燒春雞半隻，燒雞放在鐵板上，上面仲有大量香葉拌碟，香葉味又香又濃，而且相當清新，伴隨着烤雞香氣，香草能大大減去烤春雞的油膩感，帶點清新之感覺。烤春雞的肉質又嫩滑又美味，熱辣辣的，令人忍不住一啖又一啖的吃下去。拌上了香草真的十分特別，夠曬地道！喜歡吃雞的朋友可以試試，必定回味！蝦膏海鮮炒河粉，份量充足，大大碟香氣四溢！河粉相當入味，蝦味香濃，而且河粉爽口彈牙炒得又乾身。正。而且配料都十分多，有爽口彈牙的蝦、魚塊、豆腐等等，每一啖河粉都伴隨着不同的配料， 十分滿足。食飽飽當然少不了吃甜品，越式芋圓椰汁凍，賣相十分精緻，有隻小動物坐在浴缸上十分可愛，打卡一流。除了啱晒打卡之外，甜品都相當美味的，Q彈的椰汁凍糕，香甜彈牙，椰汁味清新香濃～仲配有大量不同的配料，有煙靭無比彈牙的芋圓、軟綿綿甜入心的紅豆、脆卜卜粟米片、細細粒好咬口的小丸子等等，甜品相當用心，食材豐富，賣相很好，很有誠意！
繼續閱讀
Chill Vietnam Cuisine and Bar真係好啱一班朋友聚餐！今次試咗佢哋嘅越式椒鹽炒軟殼蟹、峴港鮮蟹肉炒飯同埋越式芋圓椰汁凍，全部都好有驚喜。首先要講椒鹽炒軟殼蟹，份量超大，啲蟹炸到外脆內嫩，每啖都食到鮮味，椒鹽香氣十足，啲蒜蓉同辣椒鋪滿成碟，食落鹹香惹味，真係停唔到口！炒飯方面，用料都好足，粒粒分明，蟹肉份量唔手軟，啖啖都食到鮮甜海味，有魷魚,魚肉同蝦,，食完好滿足。最後甜品越式芋圓椰汁凍，賣相超可愛，似隻小動物坐浴缸咁，啲芋圓煙韌，椰汁凍滑溜唔會太甜，仲有新鮮生果同脆脆，層次感豐富，打卡一流！整體嚟講，呢度啲菜式份量大又用料實在，CP值高，絕對會再回頭！😋🦀🍚
繼續閱讀
收工約左朋友去D2 place行下街，係三樓食肆臨立，我地就揀左食越南菜既餐廳試下！越式椒鹽炒軟殼蟹賣相都幾吸引，軟殼蟹伴著爆多炸蒜。軟殼蟹即叫即炸，口感外酥內軟，份量好多，夠2-3人食！椒鹽好香好惹味，但又唔會好鹹！爆多炸蒜增添左脆口口感，亦令軟殼蟹更惹味！蝦膏海鮮炒河粉河粉份量都幾多，夠晒兩三個人食，可以同朋友share! 河粉口感順滑，炒過後非常有鑊氣！蝦膏味道幾濃，令海鮮風味更濃郁！越式芋圓椰汁凍造型賣相好可愛，超級igable! 椰汁凍震揗揗，好得意！心型既芋圓口感軟糯，椰汁凍口感順滑軟綿，椰汁味道濃郁。蘋果伯爵蘇打（冷）飲品上面掛住青蘋果片，賣相幾吸引，食落新鮮爽脆！蘇打水好清爽，伯爵茶味幾香濃！
繼續閱讀