Le Chefeteria

營業中

休息中

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯我自己就未去過峇里，不過聽講當地盛產美食。最近朋友就帶咗我去銅鑼灣體驗峇里私房菜，到達嘅時候每人獲得一張印有名字嘅機票（裝飾）和花圈，真係好似去咗旅行咁。開胃前菜小吃巴東牛肉薯仔梳乎厘雖然叫疏乎厘，其實係好鬆脆嘅泡芙狀脆餅。面頭放咗煮到軟腍嘅巴東牛肉，帶少少甜又勁多肉質。湯帶子法式海鮮清湯店員介紹佢哋用咗紅鯛魚熬製而成嘅清湯，面頭係半生熟嘅帶子。雖然係清湯，但係估唔到味道係好濃郁又清甜。海鮮開胃菜峇里魚串燒配番茄莎莎醬紅鯛和三文魚肉製成嘅魚肉串燒，配搭微酸蕃茄醬同埋咸味嘅日本海草，將魚肉嘅鮮味帶到去另一個層次。肉類開胃菜峇里脆皮烤乳豬配青大樹菠蘿、拇指薯、三種（泰、越、印尼式）醬汁廚師會即場表演切乳豬，乳豬皮呈深棕色，薄薄一片勁香脆。底層嘅豬肉油瘦剛好，充滿咸香味。主菜椰殼烟熏阿根廷黑安格斯牛裏脊配泰式羅望子醬平時牛扒都係香煎，今次用椰殼烟熏好有驚喜，唔會有平時煙燻嘅嗆鼻感。另外阿根廷牛扒本身肉味就比較濃，粉嫩又多汁。蕉葉香煎三文魚用蕉葉包裏再香煎，所以三文魚肉唔會乾身，內層肉質仲係嫩滑。東南亞甜點香蕉飛餅、泰式奶茶雪糕甜點嘅飛餅都係即