影片
更多
2023-05-06
118 瀏覽
久仰大名但一直未有機會試到米芝連餐廳Involtini嘅紅蝦意粉，上星期竟然比我係屯門試到😝 事關Involtini嘅姐妹店原來係屯門，仲有tasting menu，所以以較平嘅價位就可以食到佢嘅signature菜式！而且餐廳仲有outdoor位可以欣賞live band，weekend過嚟食下嘢都幾chill😆🌟 3-Course Tasting Menu $458🔸 餐包呢個set係包咗兩款唔同嘅包，有法式牛油麵包同sourdough，我比較鍾意牛油麵包多啲，較鬆軟啲，再配埋自家製嘅黑醋牛油，好香！🔸 昆布蜆湯 $68既然有餐包，我哋就加咗個湯，店員推介咗呢個湯，同平時飲開嘅昆布蜆湯完全唔同😳 佢加咗牛油入去煲，飲落除咗有蜆嘅鮮味，仲有牛油香，呢個湯真係令我大開眼界，好好飲！🔸 高糖日本番茄，昆布醋嗜喱，燒麵豉八爪魚 而前菜係賣相好精緻嘅八爪魚串同日本蕃茄。蕃茄好清甜，可以話一啲酸味都冇，第一次試，有驚喜！而八爪魚燒得剛好，口感軟腍得嚟唔會韌，都唔錯😌🔸 松葉蟹甲羅燒蟹膏意大利飯 +$80我哋其中一個main揀咗呢個risotto，滿滿嘅蟹膏鋪喺面，仲要燒過嚟更加香😍 撈埋生嘅鵪
🌟 3-Course Tasting Menu $458
🔸 餐包呢個set係包咗兩款唔同嘅包，有法式牛油麵包同sourdough，我比較鍾意牛油麵包多啲，較鬆軟啲，再配埋自家製嘅黑醋牛油，好香！
🔸 昆布蜆湯 $68既然有餐包，我哋就加咗個湯，店員推介咗呢個湯，同平時飲開嘅昆布蜆湯完全唔同😳 佢加咗牛油入去煲，飲落除咗有蜆嘅鮮味，仲有牛油香，呢個湯真係令我大開眼界，好好飲！
🔸 高糖日本番茄，昆布醋嗜喱，燒麵豉八爪魚 而前菜係賣相好精緻嘅八爪魚串同日本蕃茄。蕃茄好清甜，可以話一啲酸味都冇，第一次試，有驚喜！而八爪魚燒得剛好，口感軟腍得嚟唔會韌，都唔錯😌
🔸 松葉蟹甲羅燒蟹膏意大利飯 +$80我哋其中一個main揀咗呢個risotto，滿滿嘅蟹膏鋪喺面，仲要燒過嚟更加香😍 撈埋生嘅鵪鶉蛋一齊食，好夾好好味！而risotto夠creamy，口感軟硬適中，相當高質，如果份量再多少少就更好！
🔸 手造意大利幼麵配西班牙紅蝦，紅蝦膏濃汁 +$160另外，當然唔少得佢嘅signature菜式——紅蝦手工意粉！餐廳以西班牙紅蝦為主角，仲建議我哋搣開蝦頭將入面嘅膏汁擠落麵上，再撈埋一齊食，蝦膏非常甘香，而蝦肉亦好鮮甜☺️ 另一主角，手工意大利麵亦好al dente，煮嘅時間調節得剛好，食起上嚟好爽口彈牙！
🔸 提子，提子馬斯卡風芝士忌廉，法式薄脆，提子檸檬啫喱最後甜品時間，係以提子為主角嘅一道甜品，比較少見😳 不得不讚餐廳嘅創意，佢將紅提同青題都混合埋一齊整呢道甜品，所以同時食到青提嘅清甜，又食到變成咗芝士忌廉嘅紅提，再加上酸酸地嘅啫喱一齊食，即刻清新咗！
🔸 Baileys Valrhona Chocolate男朋友嗌咗呢杯cocktail，佢飲落係有濃郁嘅咖啡酒嘅香味，仲帶有少少朱古力味，調得幾好，啱哂愛啡愛酒之人！
🔸 Homemade Strawberry Milk而我就嗌咗杯鮮榨士多啤梨奶，飲落係新鮮嘅果香，完全唔係嗰種假嘅糖漿味，值得一試！
同你一齊搵更多好嘢食😋
張貼
