金華餐廳小廚

營業中

休息中

今晚跟親戚去咗屋邨一間新開嘅餐館食飯，隱藏於商場街市一角，唔係地頭蟲都有點難搵😅原本冇太大期望，點知一上菜就好有驚喜！餐館環境寬敞企理，完全唔似一般屋邨餐廳。 鮑魚滑雞煲🐔 一煲入面足足有五六隻鮑魚，鮑魚彈牙爽口，雞肉滑嫩入味，可以揀辣就更惹味。 豉汁乾煎大頭蝦🦐 蝦身肉厚飽滿，咬落仲有膏，豉汁嘅香味完全滲入蝦肉入面，重點係新鮮冇得輸。 煎封黃花魚同椒鹽九肚魚都好正！黃花魚煎到外脆內嫩，魚肉鮮甜；九肚魚炸得外層酥脆，入面嫩滑得好似豆腐咁，一啖落去超滿足。 大廚真係掂！絕對值得試。